silaannaap allanngornera
Svalbard Norgemi kiannerpaasoq
Svardbard nunarsuarmi inoqarfiusuni avannarpasinnerpaat ilaanniittoq Norgemi marlunngormat ullaakkut kiannerpaavoq.
Qeqertat Norgemut atasut Svalbard Norge tamakkerlugu marlunngormat ullaakkut kiannerpaasimasoq, Norgemiut silasiornermut instituttiat paasissutissiivoq.
Norgemi kiassutsit marlunngormat ullaakkut uuttorneqartut, kiannerpaaffigisaat tallimat Svalbardimi nalunaarsorneqarput.
Kiannerpaasutut uuttorneqartoq, 4,1 graderinik kiatsigisoq piiaaffimmi Sveagruvami Spitsvergenimiittumi, qeqetaaqqani anginerpaajusumi Akseløyami uuttorneqarpoq.
Nunarsuarmi inoqarfiusuni Svalbard avannarpasinnerpaat ilaanniimmat taama kiatsiginera nalinginnaasuunngilaq.
Norgep nunataani kiassutsini uuttorneqartoq qaffasinnerpaaq 2,8 graderinik kiatsigaaq, tamannalu Norgep kitaatungaani Mørep Romsdalillu nalaanni uuttorneqarpoq.
Naqitsinerserfik kangianiittoq Norgep nunataanit silaannarmik nillertumik nassataqarmat taannalu Islandip kujataatungaanit naqitsiniiserfik Svalbardip tungaaniittoq neruminnerusitsimmat Svalbardip avannaatungaa ilanngullugu kianneruvoq.
Svalbardip kiannerpaaffigisaatut uuttorneqarnikuni, Svalbardimi illoqarfimmi pingaarnermi Longyarbyenimi 2012-imi februaarimi uuttorneqarnerani arfineq marlunnik kiassimavoq.
- Taama kiatsigineranut rekordi sapaatip akunnerata ingerlanerani qaangerneqariaannaavoq, norgemioq silasiortoq Unni Thomsen norgemiut aviisianut VG-mut oqarpoq.
Svalbardimi kiassutsit uuttorneqartalerneraniilli ukioq 2016 kiannerpaaffiusimavoq, ukiumilu tassani nittaalaqassuseq aamma qaffasinnerpaamiissimavoq.