kinguaassiuutitigut nappaatit
Supergonoré siaruaappoq
Supergonorémik taaneqartartoq antibiotikanut ullumikkut piusunut akiuussinnaalersimavoq. Taanna nunatsinni, aamma ajornartorsiutaalersinnaavoq, gonoré nalinginnaasoq tamaani siaruarsimasuummat. Syfilissertut aamma amerliartorsimapput
Supergonoré ersisaarutaannaajunnaarpoq. Maannakkummi nappaataalersimavoq. Japanimi, Frankrigimi Spaniamilu super gonorértut pingasut nassaarineqarput. Nappaallu maanga anngussinnaakutsoorpoq.
Allanngorartuartoq
Gonorémmi bakteriaa imminut illersorniarluni allanngorartuartuuvoq. Tassalu antibiotikanut ullumikkut atuuttunut akiuussinnaaneruleriartuinnarpoq.
AG aviisi kingullermi saqqummertumi allappoq.
Nunatsinni katsorsaanerit akiuussinnaaleriartortut pillugit allannguallatsinneqartarsimapput.
- Bakteria katsorsaatinut nalinginnaanerusunut akiuussinnaaleriartortoq ilisimaneqarpoq taamaammallu katsorsaariaatsit allannguallatsinneqartarsimallutik. Tamanna ajorpoq antibiotikammi assigiinngitsut ikeqimmata, nakorsaaneq oqarpoq maanili katsorsaatinut akiuussinnaasumik suli gonorértoqalinngitsoq eqqissisaatigalugu.
Tamannali takkutinngivissornissaanik isumaqanngilaq.
Kikkut tamarmik suleqatigiittariaqartut
- Nappaat akiorniarlugu kikkut tamarmik suleqatigiittariaqarput atoqatigiinnernilu qanorluunniit ittuni, soorlu kujannermi, itikkoorinermi, milunnermi aluttornermilu, usuup pooqartarnissaq pingaaruteqarluni. Nappaammi toqqusaamiittoq aamma tuniluussinnaavoq, Henrik Trykker oqarpoq.
Allaaserisaq tamakkerlugu AG aviisimi kingullermi saqqummertumi atuarsinnaavat: