assammik arsaanneq
Sungiusaatigalugu unamminissaq unitsiinnarneqartoq
Unamminissaraluup taamaatiinnarneqarnera landstrænerip ugguaraa
Assammik arsaattartortavut aqagu Århusip assammik arsarluni unammisartuinut sungiusaatigalugu unammisussaagaluarput. Taakku inuusuttortaminnik ilalerlutik Danmarkip illoqarfiisa ilaanni Hadstenimi unammineq ingerlattussaagaluarpaat, tamannali taamaatiinnarneqarpoq.
- Taamaatiinnarneqartariaqarmat ugguaqaanga. Unamminerat qanoq ingerlanersoq takorusunnaraluarpoq. Angutimmarik Kreutzmannilu kiisami landholdimi unammeqataaqqissinnaanngormat qanoq inissisimanersoq paaserusunnaraluarluni, sungiusaasoq Niels Møller Sermitsiaq.ag oqaloqatiginerani oqarpoq.
Taamaatitsiinnartorpassuit
Unamminissaraluup taamaatiinnarneqarneqarnera arlalinnik pissuteqartoq landstræneri Niels Møller oqarpoq. Unammisartummi klubbiminni trænernertik ingerlappaat, ilaatigut pokalinnanniuuttussanngortoqarsimalluni sungiusarluni unamminissaagaluaq taamaatiinnarlugu.
- Frank Mikkelsen peqataasinnaajunnaarpoq. GOG pokalinnanniulluni marlunngorpat unammisussaavoq. Akutaaneq Kreutzmann ajoquseqqalaarpoq sapaatip akunneratalu ingerlanerani Ribe Esbjerg HH-mut pokalinnanniulluni unammisussaalluni. Minik Dahl Høegh Århus Håndbold-imi trænerlualeruttorpoq Aqqalu Ingemannilu Nunatsinniimmat peqataatissinnaasimanatigu. Taama inissisimasoqarnera pissutigalugu Århus Hånsboldimi sungiusaasoq Erik Veje Rasmussenilu aalajangiutiinnarparput unamminissaagaluaq taamaatiinnassallugu.
-Unammisartugut peqataasinnaanngippata arsallammannut unammisinnaanngilagut, soorlu Århus Håndboldiminngaanneersunut, landstræneri naggasiivoq.