assammik arsaanneq

Sungiusaasup unammisartut tallimat peerpai

Arnat assammik arsaallutik nunanut allanut unammisartuisa sungiusaasuata Johannes Grothip unammisartut 35-init 30-inngortippai

Til højre ses landstræner i håndbold, Johannes Groth, der har udtaget kvindelandsholdets bruttotrup

Arnat assammik arsaallutik ukiormanna nunanut allanut unammisartui sungiusaasumit Johannes Grothimit saqqummiunneqarput.

Taassuma unammisartut tallimat peerniarlugit aalajangiussimavaa.

- Unammilleqatigiinneq annerutinniarlugu aallaqqaammut unammisartut amerlanerit ilaatinneqartarnerat periusissatsinnut ilaavoq. Aamma ikilisaanissaq ajornaatsuinnaasimanngilaq, Johannes Groth tusagassiuutinut nalunaarummi oqarpoq.

Unammisartut aappaagu marlunniit tallimanut aappaagu ikiliseqqinneqassasut, taanna ilisimatitsivoq.

Sungiusaqatigiinnissaq piareersaraa
Unammisartut amerlanerpaartaat timersoqatigiiffinnit NÛK-mit aamma GSS-mit kiisalu Danmarkimit aggersuupput.

- Unammisartut sinerissameersut amerlanerit takorusukkaluarpakka. Unammisartut sinerissamiittut peqataanerulersinniarlugit suliniuteqarpugut. Ingammik meeqqat inuusuttullu siunissami periarfissaqarmata. Unammisartut amerlasuut aamma illoqarfinni Sisimiuni, Ilulissani, Maniitsumi aamma Aasianni 'ilinniartitaasimapput. Tamatuma saniatigut Danmarkimi unammisartunut ilaanissamut minnerpaamik 3. divisionimit qummut piumasaqarpunga, sungiusaasoq erseqqissaavoq.

Kalaallit Nunaanni Assammik Arsaattartut Kattuffia aamma Johannes Groth sungiusaqatigiisitsinissamut piareersarput, tamanna maanna ukiup aallartinnerani pissaaq. Tassani periusissat saqqummiunneqassapput, ukiunut tallimanut pilersaarut, misiliinerit aamma sungiusarnerit.

Arnat nunanut allanut unammisartut ukuupput:

  • Nivi Fly GSS Målmand
  • Aviaaja Heilmann GSS Målmand
  • Elizabeth Sørensen Budek NuK Målmand
  • Kulunnguaq Petersen GSS Bagspiller
  • Anja Heilmann GSS Fløj
  • Andrea Andreassen GSS Fløj
  • Pilu Broberg GSS Fløj
  • Nuunu M. Lukassen NuK Fløj
  • Navarana Davidsen NuK Fløj
  • Ulla Kleist GSS Fløj
  • Sara B. Egede Ajax Fløj
  • Lykke F. Hansen GSS Bagspiller
  • Panu P. Grønvold GSS Bagspiller
  • Clara Nielsen kagsassuk Bagspiller
  • Paninnguaq Larsen NuK Bagspiller
  • Aimannguaq Larsen NuK Bagspiller
  • Tippu G. Raffaelsen Norsaq HC Bagspiller
  • Ivalu Bjerge THH Holstebro Bagspiller
  • Kathrine Mikkelsen Silkeborg Voel KFUM Bagspiller
  • Mia Egede Rasmussen Lyngby HK Bagspiller
  • Najaaja A. Lyberth GSS Bagspiller
  • Christina Lange NuK Bagspiller
  • Nivi Berthelsen GSS Streg/forsvar
  • Arnannguak Steenholdt GSS Streg/forsvar
  • Ivaana Meincke Gudme HK (GOG) Streg/forsvar
  • Aviana Kajangmat NuK Fløj
  • Pilunnguaq Rosing Wille NuK Bagspiller
  • Nivi J. Petersen GSS Bagspiller
  • Belinda Lange NuK Bagspiller
  • Sandra Rothberg NuK Streg
Powered by Labrador CMS