isikkamik arsaanneq
Sungiusaasumik soraarsitsimanermi Naalakkersuisut akuliutsinneqarniarput
Isikkamik arsaattartut sungiusaasuannik Tekle Ghebrelulimik soraarsitsisimaneq Naalakkersuisut akuliuffigisussanngorpaat.
Demokraatit siulittaasuat Inatsisartunilu ilaasortaq Randi Vestergaard Evaldsen, Kultureqarnermut Naalakkersuisoq apeqqutinik akissuteqarnissaanik kissaateqartuuvoq.
Apeqqutigineqartut ilaat:
Soraarsitsinermut pisortatigoortumik tunngavilersuut naapertorlugu pineqarpasippoq tusatsiakkat, oqaatilliinerit minnerunngitsumillu nuna tamakkerlugu sungsiusaasup qanorluunniit oqarsinnaatitaanini atorlugu tusagassaqartitsivinnik oqaloqateqarsimanera tunngavigalugit nuna tamakkerlugu sungsiusaasoq soraarsinneqarsimasoq. Naalakkersuisut isumaqarpat, soraarsitsinermut tamanna tunngavilersuutaasoq pitsaasumik?
Demokraatit siulittaasuat paragraf 37 naapertorlugu apeqquteqqaateqarnermini tunngavilersuilluni allappoq:
- Suliap eqqumiikkaluartumik inerneraa ammip qalipaataa pissutigalugu immikkoortinneqartup – Tekle Ghebrelulip – nuna tamakkerlugu sungiusaasutut soraarsinneqarnera. GBU-p siulersuisa tusagassiutinut nalunaarutikkut soraarsitsineq allamik peqquteqartinniarsarigaluarpaat, allanngortinneqanngilarli soraarsitsineq nunatsinni nunarsuullu sinnerani isigineqarmat ammip qalipaataa tunngavigalugu soraarsitsinertut.
Sungiusaasumik soraarsitsisimaneq Randi Vestergaard Evaldsen ernumatigisupilussuuvaa, kingunipilutitserujussuarsinnaasutulli isigalugu, aammalu Naalakkersuisut "suliami nipaassimanerat" paasisissanngilaa, soraarsitsinermi "nunatsinni nunarsuullu sinnerani isigineqarmat"