Arsaræuni GM
Sungiusaasoq: Aajuna pulje sakkortooq
Arsaannermi angutit inersimasut GM-qarnissaanni sapaatip akunnerani tullermi pisussami unamminerit pissanganartorpassuussapput
- T-41 Aasianneersoq arsaannermi GM-qarnerani tupaallatsitseriaannaavoq allaat pikkorissorsuit B-67 aamma IT-79 unammillerluarsinnaallugit.
Angutit sapaatip akunnerani tullermiit GM-qarnissaannut puljenut makitsisoqareersoq nuna tamakkerlugu sungiusaasoq Tekle Ghebrelul taama naliliivoq.
Tekle Ghebrelulip pulje 2 sakkortulluinnartutut nalilerpaa siorna pissartaasut B-67 aamma siorna bronzennattut IT-79 tassaniimmata T-41 aamma K-33 Qaqortumeersoq peqatigalugit.
Assit takukkit: Aajuku GM-mut puljet
- Pulje 2-p malinnaaffiginissaa assut pissanganarpoq. Ilimagaara puljemi tassani K-33 ajornartorsiungaatsiassasoq, Tekle Ghebrelul Qeqertarsuup tunuani anngunniunnerni malinnaanermini T-41-mut assut takulluarsimanerartoq oqarpoq.
Kugsak periarfissagissaartoq
Aaqqissuisut Kugsak-45 ukiut arlallit pissartanngorniunnerit naggaserneqarneranni peqataaneq ajorpoq. Kingullermik inersimasut Qasigiannguani GM-qarmata 2000-mi Kugsak-45 finalemut annguppoq taamanikkut Nagdlúnguak Ilulissaneersoq ajorsarfigalugu.
Kugsak-45p puljeqatigai ATA Tasiilameersoq, siorna finalertut FC Malamuk Uummannamiik aamma G-44 Qeqertarsuarmeersut siorna normu 4-nngortut.
- Kugsak-45 puljemi oqinnermiikkami semifinalemut anngussinnaalluarpoq. Aamma pissanngatigaara ATA puljeqatiminnut qanoq nallersuussinnaatigissanersut. GM-mi tamarmi assut soqutiginarpoq tassami Kalaallit Nunaanni iligiit kakkannerit arfineq pingasut imminnut unammisussanngorput, Tekle Ghebrelul oqarpoq.
Atuaruk: Arsaalluni GM-ernissamut makitsisoqassaaq