Pinngortitamit nerisassat
Suna aallartissutigineqassava?
Sermitsiaq.AG-mi pinngortitami pissarititat aggustimi sammisarineqassapput. Allaaserissallugu suna pingaarnersaassava?
Annonse
Qaammammi matumani sammisaritinneqartoq ulluni aqqanilinni ingerlanneqareerpoq.
Atuartartut siunnersuutaat arlaqartut aaqqissuisoqarfimmut nassiunneqarput.
Sapaatit akunnerini pingasuni tulliuttuni uku sammisaritinneqassapput:
- Sisimiuni suliffeqarfiup qeqqussanik tuniniaaniartoq
- Nerisassanik festivalertitsinerit
- Nerisassiornermut ilitsersuutit soqutigineqarluarput. Assigiinngitsunik nerisassiornermut ilitsersuutinik saqqummiussisoqassaaq
- Tuttumik aattuinermik siunnersuut
- Qeeraq qanoq pisarineqarsinnaanersoq qanorlu iganeqarsinnaanersoq ilitsersuut
- Kalaalimerngit pisiniarfinni ingerlalluannginnerat
- Nunanit allanit sooq paarnanik pisiniarfinni tunisassiortoqartarnersoq paasiniassavarput, tassami pinngortitatsinni paarnanik ulikkaaraluarpoq
- Imarmiunik nerisaqarneq peqqinnanngitsuunersoq atuartartunit apeqqutigineqallattaavoq, tamanna paasiniarneqassaaq
- Appaliarsuit pillugit allaaserinninneq
- Naalakkersuisut saniatigooralugu pinialuttartunut killilersuiniarnerat pillugu aamma allaaserinninneq
Allaaserisassarpassuaqarmat taamaammat ikiuinissassinnut periarfissaqarpusi.
Arlaannik siunnersuutissaqaruit redaktion@sermitsiaq.ag-mut allagit