SUME

Sume pillugu filmiliaq parnaarussivissuarmi Herstedvesterimi takutinneqassaaq

Rockimik nipilersortartut pillugit piviusulersaarusiaq Danmarkimi parnaarussivissuarmi Herstedvesterimi takutinneqassaaq sisamanngorpat

Rockimik nipilersortartut Sume - assi toqqorsivimmit

Kalaallit 27-t parnaarussivissuarmi Herstedvesterimiittut piviusulersaarusiaq 'Sume - mumisitsinerup nipaa' takusinnaassavaat sisamanngorpat.

Parnaarussivimmi sulisut piviusulersaarusiamik suliarinnittut saaffigisimavaat filmi takutinneqarsinnaannginnersoq.

- Sume 1995-imi Herstedvesterimi nipilersorpoq nuannarineqaqisumik, piviusulersaarusiamik suliaqartoq Emile Hertling Péronard tusagassiutinut nalunaarummi oqarpoq.

Emile Hertling Péronard piviusulersaarusiap takutinneqarnerani peqataassaaq, naammassippat aamma apeqqutinik akisaqarsinnaassalluni.

Powered by Labrador CMS