Sullorsuarmik matusineq: Angallannermi annertuumik unammillernartoqartitsisoq
Sullorsuarmik matusineq angallannermi annertuumik unammillernartoqartitsisoq, Nuup qeqqanut tassanngaanniillu angallattunik ullaakkut ualikkullu aqqusinikkut tunuleriaartorpassuaqartarpoq.
Sullorsuaq ammarneqarsinnaanersoq kommunip aqagu paasisaqarfiginissaa naatsorsuutigaa.
Avataanit teknikerit
- Ingerlatsinermut immikkoortoqarfiup avataanit teknikerit peqatigalugit sullorsuarminakkaasoqarneranut pissutaasut, angallannerullu qularnaatsunngoqqinnissaanut qanoq iliuuseqartoqassanersoq paasinialeruttorpaat, Kommuneqarfik Sermersuumi attaveqatigiinnermut suleqataasoq Søren Ditlev Monrad nassuiaavoq.
Sullorsuaq ammarneqassanersoq, imaluunniit angallattunut isumannaallisaanissamik pilersitsiniarluni allatigut aaqqiisoqassanersoq, teknikerit aqagu ualikkut aalajangiissasut, taanna ilisimatitsivoq.
Sullorsuarmi ujaqqanik nakkaasoqartarnera siornatigut ajornartorsiutaasareerpoq. Sullorsuarmik atuisunut navianartoqannginniassammat qassutaasanik illersuutaasussanik ikkussisoqarnissaanik pisariaqartitsisoqarnersoq suli paasineqanngilaq.
Politiit ilaatinneqartut
Sullorsuaq sivisunerusumik matoqqatinneqartariaqassappat, Kommuneqarfik Sermersooq politiinut attaveqarniarpoq, tassanilu ullaakkut ualikkullu aqqusinermi angallannerup sammiveqannginneranut aaqqiissutissamik nassaaqatigiinnissaq neriuutigineqarluni.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...