Sullorsuaq qaammatini pingasuni matuneqarpoq
Nuummiut illoqarfiup qeqqanut suliartortillutik naammagittartariaqarput. Sullorsuaq kingusinnerpaamik qaammatit pingasut qaangiuppata ammassaaq.
Ullaakkut ualikkullu biilit tulleriaarpassuit qaammatini tullerni pingasuni illoqarfiit pingaarnersaanni ulluinnarsiutaalernissaa ilimanaateqarpoq.
Sermitsiaq.AG-ip paasivaa, sullorsuaq kingusinnerpaamik qaammatit pingasut qaangiuppata sullorsuaq aatsaat ammarneqassasoq. Tamanna pingasunngornermi teknikerit sullorsuarmi misissuereernerisa kingorna aalajangiunneqarpoq.
Sullorsuarmi biilinut pisuinnarnullu ulorianartumik ujaqqanik nakkaasoqarlersimanera pissutigalugu matuneqarallarpoq.
Angallannermi aaqqiissutissamik misissuineq
Angallattoqarfiunerpaaffiata nalaani qanoq aaqqiivigineqarsinnaanera kommunimit misissuiffigineqaleruttorpoq, aaqqiissutaasinnaasumilli suli nassaartoqarsimanngilaq.
Sisamanngornerup ullaatungaani bussit Qinngorpumiit illoqarfiup qeqqanut ingerlaartartut naliginnaasumik ingerlaarfigisartakkaminiit marloriaammik sivisunerusumik ingerlaarsimavoq.
Sullorsuaq qanoq pissanersoq Sermitsiaq.AG-ip nassuiaateqarfigineqarnissaa iluatsinniarsaraa. Allaaserisaq nutarterneqassaaq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...