Sullorsuaq qaammatini marlunni matoqqalersoq

Juulip ulluisa qulinganiit qaammatit marluk missaanni sivisutigisumik, Nuup Nuussuullu akornanni sullorsuaq matoqqatinneqassaaq.

Umiarsualivissap innaallagissamik pilersorsinnaanissaa angujumallugu, sullorsuarmi aqquserngup iluaniittut kabelit nutarsarneqartussaaneri matusinermut peqqutaavoq, Kommuneqarfik Sermersooq taama nalunaaruteqarpoq.

Qulliit nutaat
Sullorsuup matoqqanerani, Nukissiorfiit nutaanik pitsaanerusunillu qullilersuissaaq, peqataanillu aqquserngup maniinnera Kommuneqarfik Sermersuumi Sanarfinermut Avatangiisinullu Ingerlatsiviup iluarsiniartussaallugu.

Sila peqqutaalluni piffissami taaneqartumi suliarineqarnissaa toqqarneqarpoq, kisianni aamma juulimi aggustimilu ileqquusumik angallanneq annikinnerusarmat.