Royal Arctic Line

Sullitat naammaginnikkunnaavipput: -RAL ingerlanerluppoq

Mailikkut allaffigeqatigiinneq AG-mit pissarsiarineqartoq naapertorlugu umiarsuaatileqatigiiffiup assartuinermi kisermaassisup RAL-ip sullitaasa akornanni naammaginninnginneq suli annertuvoq. Ingerlatseriaatsit nalinginnaasut tunngaviunerpaallu aqussinnaalerniarsigit, sullitat ilaannit oqaatigineqarpoq

Royal Arctic Linep sullitai angisuut umiarsuaatileqatigiiffiup suliassaminik isumaginninneranik suli annertuumik naammaginninngillat, AG aviisi allappoq.

Nukingisaarut

Tamanna emailikkut allaffigeqatigiissummi AG-mit pissarsiarineqarsimasumi atuarneqarsinnaavoq. Isumasiuisarfimmit HS Analysemit Royal Arctic Linep siunissami pilersaarutai pingaarnerit pillugit isumasiuineq pillugu nukingisaarut taamaallaat pineqaraluarpoq.

Kisianni HS Analysemit emaili »bcc«-lernagu nassiuttoorneqarsimavoq, taamalu umiarsuaatileqatigiiffiup sullitaasa annerumaat tamarmik emailikkut adressetik takusinnaalerlugit allaffigeqatigiissinnaalerlutillu. Tamannalu oqallinnermik sakkortussutsimigut Facebookimi ilanngussap akerleriissutaasup oqaaseqaatitaanut eqqaanarsinnaasumik pilersitsivoq.

Stærkt provokeret

Arlallit RAL-ip nassiussat apuunneqarnissaannik suli sorsuutiginninnerani siunissamut takorluukkanik persuarsiorpalaaqisunik isummerfiginninnissamut qinnuigineqarnerminnik kamaatiginnissimasorujussuusutut misigisimarpasipput.

- Oqaatsit takorluukkallu kusanartut akissallugit eqqumiitsorujussuupput, uagummi kissaatigiinnarparput niuernermik ingerlatsinertik tunngaviusoq aqussinnaalissagaat nassiussaativullu piffissaq eqqorlugu naammaginartunillu akeqartillugit tunniussinnaalissagaat. Taamaaliorsinnaalerunik annertuunik takorluugaqarlutik aallartissinnaalissagaluarput, Hotel Qaqortup pisortaa, Jim Riis, assersuutigalugu allappoq.

Ebbe Hoffmann, BP Aviationimi, Kangerlussuarmi timmisartut orsussaannik pilersuisumi, sulianik ingerlatsinermut pisortaq, RAL-illu sullitaasa ilarpassuinu attaveqartoq, isumaqataalluinnarpoq.

- Oqaatigineqartut ilumoorluinnarput. Nalinginnaanerpaat tunngaviunerpaat siulliullugit aqussinnaaleqqaarniarsigit, mailimi allaqatigiiffiusumi allappoq, tassanilu Nuummi suliffeqarfiit angisuut ilaata Godthåb Transportservicep aqutsisua isummaminik aamma saqqummiussaqarluni.

Ingerlanerluttoq

- RAL-ip ingerlanerlulersimaneranik oqarneq isumaqatigilluinnarpara. Sullitat sullissinerlunneq pillugu naammagittaatsunngorput. Sullitatta ilaannik naammagittarunnaavissimanerminik ersersitsisumik Nuummilu RAL-imut iseqqusaajunnaartumik assersuutissaqarpunga, pisortaq Niels Pedersen allappoq.

RAL-i pillugu isornartorsiulluni allaaserisaq AG aviisimi tamakkerlugu atuarsinnaavat. Aviisi uani pisiarisinnaavat:

Powered by Labrador CMS