sullissivik

Sullissivimmik atuisut amerleriangaatsiartut

Nunatsinni inuttaasut affangajaasa aggustip qaammataani sullissivik.gl atorsimavaat

Nunatsinni inuttaasut affangajaasa aggustip qaammataani sullissivik.gl atorsimavaat

- Nunatsinni innuttaasut siunissami digitaliunerusumut piareersarluarsimalersimapput.

Digitalimik Sullissinermik Aqutsisoqarfimmi allaffimmi pisortaq, Sara Thode Andersen oqarpoq.

Aggustimi Sullissivik.gl-imi atuisut katillugit 22.254-iusimapput, tassa ukiup siuliani piffissap taamaasinerani 6.945-nik amerleriaateqarsimallutik.

Nalunaarsuinermi ukioq manna piffissami januarimit august tikillugu ukioq kingullermit naleqqiullugu atuisimasunik 46 procentimik amerleriarsimapput.

Atornissaa ajornannginnerusoq

- Uanilu maluginiarneqassaaq atuisut immikkuullarissumik eqqartorneqarmata. Tassa imaappoq atuisoq immikkuullarissoq ataaseq ullormi ataatsimi naatsorsorneqartarmat atuisoq ataaseq, atuisup qarasaasiaq ataaseq atorlugu arlaleriarluni sullissivik.gl-imut isersimagaluaruniluunniit, Sarah Thode Andersen oqarpoq.

Nuanneqaaq paasillugu innuttaasut qanoq amerlatigisut sullissivik.gl-imi aaqqiissutit atortaraat.

- Oqartoqarsinnaavoq innuttaasut innuttaasunut sullissineq digitaliusoq tigulluarsimagaat. Pisariinneroqaarmi digitalimik aaqqiissutit atussallugit pisortaqarfinnut assigiinngitsunut piffissami aalajangersimasuni takkunnissamiit, Sarah Thode Andersen oqarpoq.

Powered by Labrador CMS