kommunit avinneqarnerat
Sulisut agguaanneqarnissaat kinguaattoorfiungaatsiartoq
Kommune Qeqertalimmi borgmesterinngortussap Ane Hansenip, sulisut 143-rut agguarneqarnerat ulloq 1. julimilu pisimasussaangaluartoq oqaatigaa.
- Qaasuitsup Kommuniata kommunimi sulisut siunissami suli sulissanerat 1. julimilu paasissutissiarisimasussaangaluarpaat. Sulilu taamaaliortoqarsimanngilaq.
Taama oqarpoq Kommune Qeqertalimmi Ikaarsaariarnermut ataatsimiititaliami siulittaasoq, Ane Hansen (IA), 1. januarimiit kommunimi borgmesteriulersussaq.
Qaasuitsoq aalajangiisussaasoq
Kommunimi sulisut 143-rut agguaanneqarnerat Qaasuitsup Kommuniata isumagissavaa, sulisullu Ilulissani Aasianniluunniit sulissanersut aalajangiiffigalugu.
Qaasuitsup Kommuniani kommunaldirektøriusp Hans Eriksenip sisamanngornermi Sermitsiaq.AG-mut paasissutissiaraa, Ikaarsaariarnermut ataatsimiititaliaq sammisaq pillugu 29. septbember ataatsimiissasut.
Kommuni eqqaasinneqarsimangaluartoq
Kisianni Ane Hansenip oqarnera naapertorlugu, sulisut siunissami sumi sulissanerannik 1. julimilu paasitinneqareertussaangaluarput.
- Aalajangernissaq sooq kinguartinneqarsimava?
- Qaasuitsup Kommunianut apeqqutigissavat. Aasaanera tamaat uagut aamma taamatut apeqquteqartarsimangaluarpugut, akissuteqarfigineqartarnatalu, Ane Hansen oqarpoq.
- Aalajangerniarnerup piffissami sivuumi ingerlanneqarnera ilungersunarpoq, siunissatsinnummi isumalerujussuuvoq, Ane Hansen oqarpoq.