Skip to main content

Sulisussaaleqineq: Aappilattumi tunisassiorfik ammaqqittoq

Qaanaamit sulisartunik sisamanik suliartortoqarallartillugu Upernaviup eqqaani Aappilattumi Royal Greenlandip aalisakkanut tunisassiorfia ammaqqippoq.

Royal Greenlandip tunisassiorfia, sulisussaaleqineq pissutigalugu ataasinngornermi tunisassiornerminik unitsitsigaluartoq, tallimanngornermi tunisassioqqilersimavoq.

Taama Royal Greenland nittartakkamini allappoq.

- Inuit sisamat Qaanaameersut ikiorsiullugit tunisassiorneq ullumi aallarteqqipparput. Tunisassioqqissinnaalernitsinni Qaanaamit suleqatitaavut sisamat tulluusimaarutigeqaagut. Aalisartullu tuniseqqissinnaaleramik qungussataartorujussuullutillu qiimasorujussuupput, Justine Petersen Aappilattumi tunisassiorfimmi aqutsisoq Royal Greenlandip nittartagaanut oqaluttuarpoq.

Tunisassiorfimmik ukiup affaanik pisoqaassuseqartumik matusigallaraluarneq sulinermik inuussutissarsiuteqartut kattuffiata siulittaasuata ilaasortaminut sumiiffinnut suliffissalinnut nuunnissamik kaammattuuteqarneranik kinguneqarpoq.

- KGH sioqqullugu siulitta piniakkat malittarsimavaat, piffissangorporlu ullumikkut suliffissat sumiinnersut apeqqutaatillugit nuuttarnissarput, SIK-ip siulittaasua, Jess G. Berthelsen, aviisimut Sermitsiamut tallimanngornermi saqqummersumut oqarpoq.

Aamma atuaruk: SIK-p siulittaasua: Suliffissat malersorsigik

Tikisitaq: Sulilerama iluaqaaq

Qaanaamiit Aappilattumut suliartortillugit tikisinneqartut sisamaasut ilagaat 25-nik ukiulik Nuka Kristiansen.

- Qaanaami suliffissaaleqisorpaalunnut akuugaluarpunga, maannalu sulilerama iluaqaaq. Neriuppunga tunisassiorfimmi naammassinissaasa tungaannut ikiuussinnaajumaarlunga, Nuka Kristiansen Royal Greenlandip nittartagaanut taama oqarpoq.

Royal Greenland naapertorlugu Aappilattumi tunisassiorfik qaleralinnik iluitsuinnarnik tunisassiorallarpoq.

Tunisassiorfiulli pisortaa, Justine Petersen, Royal Greenlandip nittartagaanut ilisimatitsivoq qaleralinnik niaquiikkanik tunisassiorneq aatsaat aallartissinnaasoq sulisut sisamanik ilaneqaqqippata.

- Sulisut sisamat amigaativut pissarsiariniarsarineqaleruttorput, tunisassiorfimmi aqutsisoq oqarpoq.

Aamma atuaruk: Sulisussaaleqineq: Tunisassiorfik nutaaq matuneqarallartoq      

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER