akitsuutit
Sulisitsisut: Vittus Qujaukitsoq tunngavissaqanngilaq
Kalaallit Nunaanni Sulisitsisut Naalakkersuisut mamakujunnut akitsuummut inuussutissarsiortunut taarsiiniarnerat nakerinngilaat
Vittus Qujaukitsoq tunngavissaqanngilaq oqassalluni ilaasortavut akitsuutip kingumoortumik atuutilerneratigut akit qaffannerisigut annaasaminnut matussusiiniarsimasut, Sulisitsisuni siunnersorti Lars Krogsgaard-Jensen oqarpoq.
Taamatut oqariartuuteqarpoq Aningaasaqarnermut Aatsitassanullu Nalaakkersuisoq Vittus Qujaukitsoq nalunaaruteqareersorlu avaqqunneqarsinnaanngitsoq inuussutissarsiuteqartut akinik qaffaareersimanissaat ilimanaateqarluarmat soorlu mamakujuit akitsuutip qaffaataanit annertunerusumik qaffallugit.
Atuaruk: Naalakkersuisut mamakujunnut akitsuutit pillugit nutaamik siunnersuusiortut
Akinik qaffaaneq
– Taamatut oqariartuuteqarneq misissuinermik tunngaveqartariaqarpoq, Sulisitsisut oqarput.
Maluginiaqquaa ilaasortatik akinut politikkiminnut aalajangersaasartut akitsuutit qaffereernerisa kingorna siumoortumik qaffaallutik. KNI akitsuutit kingunerisaamik akinik allannguivoq novembarip 30-ani 2015-imi, Kalaallit Nunaanni Brugseni Pisiffillu decembarip 2-ani 2015-imi akiminnik qaffaallutik akitsuutit qaffannerisa toqqaannartumik kingunerisaanik.
Atuaruk: Partii Naleraq: Inatsisartut uukapaatinneqarput
Qinnuiginninneq
– Ilaasortattali akitsuutit kingumoortumik qaffanneri matussuserniarlugit akiminnik qaffaanerannik oqassalluni ilisimasakka malillugit Vittus Qujaukitsoq tunngavissaqanngilaq, Lars Krogsgaard-Jensen oqarpoq.
Nassuiaavorli Namminersorlutik Oqartussat atorfilittaq qinnuigisimagaat paasissutissanik pissarsiniarnissamut qanoq annertutigisumik Sulisitsisuni ilaasortat akitsuutit kingumoortumik qaffannerat nioqqutissaatiminnik qaffaassutigisimaneraat taamaalillutillu pisisartuminnut tutsillugu.
Sulisitsisut suliassaqarfimmi tassani ilaasortaasut pingasut annerpaat aperisimavaat akissutisisimappullu Namminersorlutik Oqartussanut ingerlateqqitaminnik.
– Sulisitsisunili soorunami uppernarsarsinnaanngilarput suliffeqarfiit ilaasortaasut akitsuutip qaffanneranut matussusiiniarlutik akigititatik qanoq annertutigisumik qaffassimaneraat. Akissutit ilaasortatsinnit pissarsiarisavut Namminersorlutik Oqartussanut ingerlateqqittarpavut, oqarpoq.
Atuaruk: SIK-mit sukkunut akitsuusiineq saassunneqarpoq
Sermitsiami saqqummertumi kingullermi allaaserisaq tamaat atuaruk. Aviisi aamma uani pisiarineqarsinnaavoq: