eskimologi & arktiske studier
Sulisitsisut: Issittoq pillugu ilinniakkat matunagit
Sulisitsisut suliffeqarfinnik angisuunik aamma minnerusunik 500-nit amerlanerusunik sinniisoq, Eskimologimi Københavns Universitetimi nutaanik ilinniartoqalernissamik unitsitsigallarneq ajuusaatigaa
Sulisitsisut maanna Københavnip Universitetianut isornartorsiuinermut ilanngupput, tassani sipaarniarluni 2016-imi ilinniartunik aallartitsinnginnissamik aalajangertoqarpoq.
Eskimologimi aamma Arktiske Studiemi ilinniartup, Ortu Mørch Olsenip, aalajangiineq paasisinnaanngilaa, folketingimilu ilaasortaq Aaja Chemnitz Larsen (IA), pingaarnersiuineq kukkulluinnartoq isumaqarpoq, kingullermillu WWF Verndensnaturfondenip generalsekretærianit aalajangerneq 'sianilliornertut' oqaatigaa, Partii Naleqqallu ilinniakkap Nunatsinnut nuunneqarnissaa kissaatigaa.
Atuaruk: Partii Naleraq: Eskimologimik ilinniarfik Nunatsinnut nuunniarli
Eqqarsaatigilluagaanngitsumik aajalangiineq
Danmark aamma taamaalilluni naalagaaffeqatigiinneq immikkut ittumik issittumi ilisimatusarnermik aamma issittumi kulturimik paasisimasaqarnermi siuttutut inissisimasoq, Sulisitsisuni pisortaq Brian Buus Pedersen oqarpoq.
- Taamaattumillu imminut assortuuttumik aamma eqqarsaatigilluagaanngitsumik, taakku piginnaasat aamma ilisimasat maanna ulorianartorsiortinneqarput, saniatigullu ambassadørip Peter Taksøe-Nielsenip erseqqissaatigigaluarpaa, Danmarkip Issittoq annerusumik ukkatarisariaqaraluaraa, Sulisitsisut pisortaat tusagassiuutinut nalunaarummi allappoq.
Atuaruk: Sianiilliorluni aalajangerneq
Inuussutissarsiornikkut ineriartorneq
Kalaallit Nunaanni inuussutissarsiornikkut ineriartornermi maanna mumiffimini inissisimasoq taanna oqarpoq, attaveqarnermut suliniutit annertuut, aatsitassarsiorfiit nutaat aammalu suliffeqarfissuit allat nunanit allanit aningaasaliisoqarneratigut taamaallaat piviusunngortinneqarsinnaasut aamma oqarpoq.
- Suliniutit tamakku annertuut aammalu inuussutissarsiornermik ineriartortitsinerup issittoq pillugu ilinniakkat ilisimatusarnerillu Danmarkimiittunik pisariaqartitsilluinnarput.
- Tamanna tunngavigalugu Sulisitsisut Københavns Universiteti kaammattorpaa, 2017-imi eskimologimi ilinniarfimmi ilinniartoqartaleqqinnissaa aallartissagaa. Aammalu qallunaat ilinniartitaanermut ilisimatusarnermullu ministeria issittoq pillugu Danmarkimi ilinniarfiit tamaasa ataatsimut nukittorsarneqarnissaanut kaammattorneqarpoq, Brian Buus Pedersen oqarpoq.
Atuaruk: Eskimologi-p matuneqarnera ilinniagaqartut tupassutigeqaat
Atuaruk: Aaja: Eskimologi pingaarnerutinneqannginnera kukkulluinnarpoq