Suliniut: Timersorneq toqqaruk – hashi naaggaaruk

Pan Am 2018-ertoqarneranut atatillugu timersornerup toqqarneqarnissaa oqariartuutigineqarpoq

Kalaallit Nunaanni Timersoqatigiit Kattuffiata Peqqissutsimut Ilisimatusarnermullu Naalakkersuisoqarfiup paasititsiniutaanni nutaami suleqatigiipput.

Inuusuttuupput tallimat tamarmik immikkut timersuummik aallussilluartuusut sooq ikiaroornartoq toqqarnagu timersorneq toqqarsimaneraat oqaluttuaraat.

- Neriuutigaara inuusuttut paasititsiniut timersornermik toqqaanissamut kajumississutigissagaat. Paasititsiniutip siunertaraa inuusuttut amerlanerit peqqinnartumik ataatsimooriaatsimik toqqaassasut hashimullu naaggaassasut. Ilaatigut Islandimit nalunngilarput peqqinnartumik sunngiffimmi sammisaqarnikkut inuusuttut hashimik aanngajaarniutinillu allanik atuilernissaannik pinaveersaartitsisartoq, peqqissutsimut naalakkersuisoq Doris J. Jensen oqarpoq.

- Meeqqavut inuusuttortavullu, tassa siunissavut, ataatsimoorluta akisussaaffigaavut – taamaattumillu naleqartitat peqqinnartut, innuttaasut peqqissusaannik ineriartortitsisinnaasut sullinniakkattalu peqinnanngitsut pinnagit timersornermik ujartuilernissaannik kajumissisitsisinnaasut, oqariartuutiginissaat pingaaruteqarpoq, Kalaallit Nunaanni Timersoqatigiit Kattuffianni siulersuisut siulittaasuat, Nuka Kleemann, oqarpoq.

Paasititsiniut suliarineqarpoq Malou Media suleqatigalugu.

Powered by Labrador CMS