Meeqqat pinngortitarlu
Suliniut WWF Kangia Kids
Suliniutikkut nutaakkut meeqqat avatangiisinik ilisimasaqarnerannut atatillugu ilinniakkat piviusullu ataqatigiissarneqassapput
Suliniut nutaarluinnaq taaguutilik "WWF KANGIA KIDS" Verdensnaturfonden-ip (WWF), Isfjordskontorip aamma Perorsaanermik Ilinniarfiup (PI/SPS) suleqatigiinnerisigut pilersinneqarpoq.
– Suliniutikkut anguniagaavoq isiginialersissallugu meeqqat meeqqerivimmiittut avatangiisinik ilisimasaqarnerat qanoq pilersarnersoq, taamatut tusagassiorfinnut nalunaarutikkut paasissutissiivoq Inger Felskov Dreyer, taannalu Perorsaanermik Ilinniarfimmi ilinniartitsisuuvoq.
Sisamanngornermi septembarip 18--ianni Regionskolinit, Socialassistentinngorniarfimmit Perorsaasunngorniarfimmillu ilinniartut 43-t Ilulissat meeqqeriviinit meeqqat sulisullu 200-t naapippaat.
Sammineqarput pinngortitami sammisat perorsaasullu meeqqap avatangiisinik ilisimasaqalerneranut qanoq sunniuteqarnera, tusagassiorfinnut nalunaarummi allassimavoq.
Tallimanngornermi septembarip 19-ianni suliniut pillugu PI/SPS-imi ammasumik saqqummersitsisoqassaaq.
– Suliniut WWF Kangia Kids-ip atuartitsinerup pitsaassusia qaffatsippaa, tassa ilinniakkat ingerlatallu ataqatigiinnerat pilersinneqarmat suleqatigiinnikkut, sumiiffimmi nunarsuarlu tamakkerlugu. Tamatuma saniatigut suliniutip iluaqutissartaraa pinngortitarput alianaatsoq siunissaamissaaq nuannaarutigisinnaassagatsigu, PI/SPS-imi rektori Nuka Kleemann suliniutip ingerlanneqannginnerani oqarsimasoq tusagassiorfinnut nalunaarummi allassimavoq.