Ikuala - se billeder
Suliniut iluatsippoq
Tallimanngornermi unnukkut katersiniarluni aliikkusersuineq iluatsilluarmat Ikuala aningaasaateqarfittut aallartissinnaalerpoq taannaq aqqutigalugu kræftimik nappaateqartut aningaasanik qinnuteqarsinnaalerumaarput
Nini Tessing, kræftimik napparsimasoq oqaluttuarpoq aningaasaateqarfimmik pilersitsisoqarnera nuannarutigalugu, tassungami ilaqutaasut qinnuteqarsinnaanngussammata. Ninip nammineq ilaqutai pisortanut ikioqqullutik saaffiginnittaraluarput iluatsitsiffigisarnaguli. Leiff JosefsenIkuala aningaasanik tunineqartorlu tusarnaariat nuannaarlutik ersaattaattarput. Leiff JosefsenHinnarik inersuarmi aliikkusersuivoq sineriammut aallakaatinneqartumik. Leiff JosefsenNuna Fond, Ikualamut 50.000 koruuninik tunissuteqarmat timersortarfissuarmi nuannaarneq ersaattaannerlu imaaginnavipput. Leiff JosefsenMiki Fencker Thomsen, Anda Uldum aamma Nino Fencker appisimaaqqatigiipput. Leiff JosefsenNaalakkersuisut siulittaasuat Aleqa Hammond sineriammit tapersersuisut tunisiumallutik siarngunneranni telefoninik tigooraasut ilagaat. Leiff JosefsenUtoqqaat peqatigiiffianni siulittaasoq Else Lea Olsen, Ikualamut 1.308, 00 koruuninik tunissuteqarpoq. Leiff JosefsenOperamik erinarsortartut Josef Lund Josefsen aamma Ida Heinrich franskit erinarsuutaat La Traviata nipaallugu atorpaat. Leiff JosefsenNAIP qilaatersorlutik erinarsorlutillu aliikkusersuigamik isiginnaartunit nuannarineqaqaat. Leiff JosefsenKimmernaq Kjeldsen aamma Hans-Peter Poulsen torlussorput assut nuannarineqarlutik. Leiff Josefsen
Leiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff Josefsen
Kræftimik napparsimasunut ilaqutaasut aningaasatigut taperneqarumallutik qinnuteqarsinnaalernissaat ungasikkunnaarpoq, assersuutigalugu napparsiasut Danmarkimi kemomik peqqissartinnerisa nalaanni. Aningaasartuutit taamaattut pisortanit ikiorsiivigineqarneq ajorput, aningaasat katsorsaanernut atorneqarnissaat pingaartinneqarnerummat.
Tallimanngornermi unnukkut nuna tamakkerlugu katersinermi siunertaavoq aningaasat amerlanerpaat pissarsiariniarneqarnissaat aningaasaateqarfimmik pilersitsinissamut. Naatsorsuutigisanit amerlanerujussuit katersorneqarput. Tallimanngormat unnukkut Nuummi Timersortarfimmi 1,2 millioner koruunit katersorneqarput Heidi Rosing aamma Hans-Peter N. Bay aaqqissuussinerisigut.
Nipilersornermik tusarnaartitsisut assigiinngeqaat operamit rockimut, Hinnarik aliikkusersuilluni, NAIP Kimmernaq Kjeldsen aamma Hans-Henrik Poulsen torlussorlutik. Tunissutit anneqqusaatiinnavipput timersortarfissuarmi najuuttut ersaattaapput Ikuala sinnerlugu nuannaaqalutik.
