Illersuisoq
Sulinissamut sakkussat piareerput
Kalaallit Nunaanni inuit innarluutillit pisinnaatitaaffii soqutigisaallu pillugit Inunnut innarluutilinnut illersorti Christina Johnsen sulinissaminut aallartissinnaanngorpoq
Christina Johnsenip inunnut innarluutilinnut illersortitut 2017imi novemberip aallaqqaataanili atuutilersumik atorfininnerminiit illersorteqarfiup allaffeqarfissamik, illersorteqarfiup atissaanik, allaffissornermilu periusissanik inerisaalluni aallartippoq.
Sermitsiaq allappoq.
Christina Johnsen inatsisilerituutut ilinniagaqarpoq, misilittagartuujuvoq, politiitut aamma sulinikuuvoq. Qeqqata Eqqartuussiviani eqqartuussisutut, kommunimilu inatsisilerituutut sulinermi saniatigut eqqartuussivimmi illersuisutut sulinermik misilittagaqarluni.
-Tassanilu inuit pisinnaatitaaffii sakkuusivinni annerpaaq atorlugu illersuisutut sulivunga. Tamatta pisinnaatitaaffeqatta inatsisinik unioqqutitsisimangaluaruttaluunniit. Taava taanna tunngavigalugu illersuisutut sulivunga. assut pissarsiaqarfigivara,
taavalu assut soqutigilerlugit inuit pisinnaatitaaffii, malugisarlugulu aamma inuiaqatigiit akornanni equngasoqartoq. Maanilu nunatsinni immaqa qangalili atugaasut pissutigalugit, akuersiinnarneq malugisarlugu, Christina Johnsen oqarpoq nassuiaallunilu imatut paasinerlunneqassanngitsoq pisortat peqqinnissaqarfik allallu piumasaannarsorlutik pisut, kisianni inuit pissutsit pillugit apeqqusiisinnaassuseqartariaqartut.
Inuit Innarluutillit illersuisuata inuit innarluutillit pisinnaatitaaffiisa soqutigisaasalu qulakkeernissaat iluaqusernissaallu suliarissavai kiisalu inuiaqatigiinni innarluutillit atugaannik qitiutitsillunilu paasissutissiisassaaq. Inuit innarluutillit illersuisuat pillugu inatsisartut inatsissaat 2017imi julimi atuutilersumi suliassai taamatut allassimapput.
Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk: