Suliniaqatigiiffik: Kalaallit meerarpaat pitsaanerusumik inuuneqalersillik

FNip meeqqat pisinnaatitaaffii pillugut nalunaarutaa novemberimi ukiunik 25-nngortorsiussaaq. MIOp tamanna atorniarpaa meeqqat sumiginnakkat sammineqarnerulernissaannut aamma pitsaanerusumik inuuneqalernissamik ilungersuuteqarnerisa tapersersorneranut. Suliniut meeqqat ulluanni juunip aallaqqaataani aallartippoq ilaatigullu Facebookimi likes-it atorlugit uuttorneqassalluni.

Atugarissaarneq pillugu naalagaaffiup ilisimatusarfia SFI 2008-mi nalunaarusiamini allappoq meeqqat pingajoraarterutaat atugarliortuusut. MIO-p naatsorsuinera malillugu Nunatsinni meeqqat pingajoraarterutaat 5.000-upput. Maannalu suliniaqatigiiffik aalajangerpoq meeqqat pisinnaatitaaffiisa ataqqineqarnissaat qulakkeerniarniarlugu.

Taamaammat MIOp suliniutigaa:

• Meeqqat tamarmik pisinnaatitaaffitik ilisimassavaat
• Angajoqqaat tamarmik angajoqqaatut akisussaassuseqartutut pissusilersussapput
• Politikerit tamarmik – suliassaqarfimminni akisussaaffigisaminni – meeqqat pitsaasumik inuuneqarnissaat qulakkeereqataaffigissavaat

Facebookimi likesit
MIOp Nunatsinni najugalinnut tamanut kajumissaarutigaa suliut tapersersoqullugu. Tassani pineqarput meeqqat, inuusuttut, inersimasut, eqqaamiut politikkerillu.

MIO vil inden november opfordre alle i Grønland til at støtte missionen. Det gælder børn, unge, voksne, naboer og politikere.

- Meeqqat taakkua 5.000it ikiorneqarnissaminnik pisariaqartitsisut puigorneqannginnissaat siunertaralugu Naalagaaffiit Peqatigiit Meeqqat Pisinnaatitaaffiisa naliuttorsiutigineqannginneranni Facebookimi ikinnerpaamik 5.000inik likerneqarnissarput angorusupparput. Likesit tamarmik ullormi nalliuttorsiorfiusumi naalakkersuisumut tunniunneqassapput, meeqqat oqaaseqartartuat Aaja Chemnitz Larsen.

MIO neriuppoq 13-it sinnerlugit ukiullit tamarmik tapersersuiumaartut.

MIOp Facebookimi quppernera uani takusarsinnaavat