soraarsitsineq
Suliffissuarmi sulisut angerlartiinnalerpaat
Uummannap eqqaani umiatsiaararsortut qaleralittassaat tamakkerneqarmata suliffissaaleqisoqartussanngorpoq Uummannamilu suliffissuarmi sulisut affaat angerlartiinnarneqartussanngorput
Uummannap eqqaani umiatsiaararsortut qaleralinnik tunisinerat pingasunngornermi unippoq. Tunisassiassat ikilinerisa Uummannap sulluani suliffissaqartitsiniarneq eqqorpaa. Uummannami sulisut 70-usut affaat angerlartiinnarneqalersut nittartakkakkut nutaarsiassaqartitsivik Qalorsaq.gl allappoq.
Uummannap sulluani umiatsiaararsortut Qeqertarsuup tunuani aalisartutut pisassatik tamakkerpaat. Maanna angallatit 6 meterimit anginerit kisimik pisassaqalerput.
Tunisassiassat sisamanngornermiit ikilineranni sulisut qassit pisariaqartisssanerlugit Royal Greenland maanna nalilersuivoq.
Qalorsaq.gl naapertorlugu Uummannami Royal Greenlandimi sulisut 70-usut 35-nut ikilineqassapput. Aamma Saattuni, Ikerasammi, Ukkusissani Nuugaatsiamilu sulisut ikilissapput.