suliffissaaleqineq

Suliffissarsiortut suli ikiliartorput

Suliffeqanngitsut juulimi 2.433-iupput. Piffissami siorna taamaalineranit 553-inik taakku ikinnerupput

Grafik: Naatsorsueqqissaartarfik
Leiff JosefsenGrafik: Naatsorsueqqissaartarfik Leiff JosefsenGrafik: Naatsorsueqqissaartarfik Leiff JosefsenGrafik: Naatsorsueqqissaartarfik

Juulip qaammataani inuit 2.433-t suliffissarsiortutut nalunaarsorneqarsimapput, taakkunannga 339-t nunaqarfimmeersut.

Tamanna katinnerani inunnik suliffissarsiortunik siorna qaammammut tassunga sanilliullugu 553-inik ikileriaateqarput.

Illoqarfinni suliffissarsiortut katillugu inunnik 525-inik ikileriarput, Naatsorsueqqissaartarfik ilisimatitsivoq.

Atuaruk: Inuusuttut amerlanerusut ilinniarsimanatillu suliffeqanngillat

Ukioqatigiiaani ukunani suliffissaaleqisut amerlanerupput
20-nit 24-inut ukiulinnut suliffissaaleqisut amerlanerpaapput. Taakkunani suliffeqanngitsut 372-iupput. Illoqarfinni angutit 163-t suliffissarsiortuupput, arnallu tassani 148-uupput.

Angutit akornanni taamatut ukiulinni nunaqarfinni suliffissarsiortut 23-iupput, arnallu 21-it 20-nit 24-nut ukiulinni suliffissarsiortuupput.

Atuaruk: Pisiniarfiit aamma sanaartortut nunanit allaneersunit pissarsisariaqartartut

Kommuninut suliffissaaleqinermik tunngaveqartumik suliffissarsiortutut nalunaarsukkat naatsorsornerat inuit qassiuneri qaammatikkaartumik saqqummersittagaavoq. Qaammammi inuk ataaseq suliffissarsiortutut naatsorsugaasarpoq, qaammatip ingerlanerani ataasiarluni arlaleriarluniluunniit nalunaarsorneqarsimanera apeqqutaatinnagu.

Tabeli assip ataani takuuk, illoqarfinnilu nunaqarfinnilu qanoq isikkoqarnersoq takusinnaavat

Powered by Labrador CMS