Suliffissarsiortut pillugit nutaarsiassaq nuannersoq pitsaavallaanngitsorlu

Suliffissarsiortut pillugit nutaarsiassat pitsaasuullutillu pitsaavallaanngitsut Naatsorsueqqissaartarfiup kisitsisaatai nutaat takutippaat.

2015-imi kvartaalimi siullermini suliffissarsiortutut nalunaarsimaffiit 2014-imi kvartalit aappaaniit 2015-imi kvartalit siulliat ilanngullugu ukiumut siulianut sanilliullugit suliffissarsiortut ikinnerulaarput. Taamaakkaluartoq qaammatini amerlanerusuni suliffissarsiorlutik nalunaarsukkat amerlisimasut kisitsisit takutippaat.

2014-ip kvartaliata aappaaniit 2015-imi kvartali siulleq ilaanngullugu qaammammi ataatsimi imaluunniit qaammatini arlalinni inuit 9.408-t suliffissarsiortutut nalunarsorneqarsimasut. Ukiup siuliani naatsorsuiffiusup pinerani inuit 9.752-it naalunaarsorneqarsimapput.

2014-ip kvartaliata aappaa 2015-imi kvartalit siulleq ilanngullugu suliffissarsiortut katillugit 4.490-iusuniit 47,7 procentit qaammat ataaseq qaammatillu pingasut akornanni suliffissarsiortutut nalunaarsorneqarsimapput, 12,6 procentillu tassa suliffissarsiortut 1.185-it qaammatini qulini aqqaneq marlullu akornanni suliffissarsiortarsimasutut nalunaarsorneqarsimapput.

Suliffeqartut ukiui assigiinngitsut
Piffissami 2014-imi kvartalit aappaaniit 2015-imi kvartalimut siullermut inuusunnerusut 18-iniit 24-nut ukiullit 2.412-it suliffissarsiortutut nalunaarsorsimapput, taakkunanit 176-it qaammatini qulini imaluunniit amerlanerusuni 7,3 procent.

45-niit 59-inut ukiullit 2.836-t suliffissarsiortutut nalunaarsorsimapput, taakkunanit 508-t, tassa 7,9 procentit, qaammatini qulini imaluunniit amerlanerusuni suliffissarsiorsimapput.

Tabellit marluk assip ataani takukkit