suliffissaaleqineq
Suliffissarsiortut amerlassusaat ikileriartut
Inuit suliffissaqannginnermik ajornartorsiuteqarlutik kommunimut saaffiginnittartut ikileriartut, Naatsorsueqqissaartarfiup nalunaarutigaa
Suliffissarsiortutut nalunaarsukkat 3. kvartalimiit 2015 - 2. kvartalimiit 2016 ukiup siulianut sanilliullugu ikinnerusimapput.
Kalaallit Nunaanni Naatsorsueqqissaartarfimmi kisitsisit takusassiat saqqummertut nutaat takutippaat. Qaamatini suliffissarsiortutut nalunaarsukkat amerlassusaat ikinnerulaarsimapput. Arnani appariarneq annertunerusimavoq.
2016-imi juuni nunatsinni suliffissarsiortutut nalunaarsukkat
2016 qaammat juuni suliffissarsiortutut nalunaarsukkat 2.478-inik amerlassuseqarput, taakkunannga 366-it nunaqarfinniillutik. Ukiup siuliani qaammat januaari sanilliullugu katillugit 1.114-inik ikinnerupput, nunaqarfinnilu suliffissarsiortut ikileriarnerat inunnik 923-inik amerlassuseqarput.
Ima nalunaarsorneqartarput
Suliffissarsiortut nalunaarsorneqarsimasut inuit kommunimut suliffissaaleqinermik ajornartorsiuteqarlutik saaffiginnittut kisinneqarnerisigut naatsorsugaapput.
Inuk ataaseq qaammammi ataatsimi suliffissarsiortutut nalunaarsorneqartarpoq, qanorluunniit ulloq ataasinnaq qaammat tamakkerluguluunnit suliffissarsiorsimaguni.