tabelit pingasut takukkit
Suliffissaaleqisut ukioq kingullermit ikinnerulaartut
Naatsorsueqqissaartarfiup kisitsisaataasa nutaat takutippaat apriilimi suliffissaaleqisut siorna taamalineranut sanilliullugu ikileriarsimasut
Suliffissaaleqisut katillugit 3.961-t suliffissaaleqisutut apriilimi nalunaarsorneqarsimapput, taakkunannga 597-t nunaqarfinni. Tamanna 2014-mi taamaalinerani nalunaarsukkanut 76-inik ikileriarneruvoq.
Naatsorsueqqissaartarfimmi kisitsisit nutaat saqqummiunneqartut tamanna takutippaat.
Kommunenut suliffissaaleqinermik tunngaveqartumik suliffissarsiortutut nalunaarsukkat naatsorsornerat inuit qassiuneri qaammatikkaartumik saqqummersittagaavoq. Qaammammi inuk ataaseq suliffissarsiortutut naatsorsugaasarpoq, qaammatip ingerlanerani ataasiarluni arlaleriarluniluunniit nalunaarsorneqarsimanera apeqqutaatinnagu.
Suliffissaaleqisut qaammatit tamaasa naatsorsorneqartarput.
Naatsorsueqqissaartarfik ilisimatitsivoq, piffissap ingerlanerani allaffissornikkut inatsisitigullu allannguisinnaaneq pissutaallutik, suliffissarsiortutut nalunaarsukkat nikerarsinnaammata kisitsisit saqqummersinneqartut mianersortumik paasineqartussaapput.
Assip ataani tabelit pingasut takukkit