suliffissaaleqineq
Suliffissaaleqisut suli amerliartortut
Naatsorsueqqissaartarfiup kisitsisaataani takuneqarsinnaavoq ukioq kingullermut sanilliullugu suliffissaaleqisut ukioq manna amerlanerusut
Apriilimi nuna tamakkerlugu suliffissarsiortutut nalunaarsukkat 4.037-iupput, taakkunannga 647-it nunaqarfinni nalunaarsugaallutik.
Naatsorsueqqissaartarfiup kisitsisaataanni tamanna erserpoq.
Apriilimi 2014-mi nuna tamakkerlugu suliffissarsiortutut 4.037-it nalunaarsorneqarsimapput, ukiumi siuliani piffissami tassani 3.782-iullutik, 255-nik amerleriarsimallutik.
Kommunenut suliffissaaleqinermik tunngaveqartumik suliffissarsiortutut nalunaarsukkat naatsorsornerat inuit qassiuneri qaammatikkaartumik saqqummersittagaavoq.
Qaammammi inuk ataaseq suliffissarsiortutut naatsorsugaasarpoq, qaammatip ingerlanerani ataasiarluni arlaleriarluniluunniit nalunaarsorneqarsimanera apeqqutaatinnagu. Suliffissarsiortutut nalunaarsukkat qaammatikkaartumik saqqummersinneqartarput.
Suliffissaaleqisut qanoq amerlatiginersut qaammatit tamaasa nalunaarsorneqartarput.