Suliffissaaleqisut
Suliffissaaleqisut qaammatip ataatsip ingerlanerani 260-nik amerleriaateqarsimasut
Naatsorsueqqissaartarfiup kisitsisaataasa nutaat takutippaa, qaammatip ataatsip ingerlanerani suliffissaaleqisut amerleriaateqangaatsiarsimanerat
Nunatsinni suliffissaaleqisut septembarip qaammataani 1.987-iusimapput, oktoberillu qaammataanni kisitsi 2.247-inut qaffariaateqarluni.
Tassa qaammatip ataatsip ingerlanerani suliffissaaleqisut 260-nik amerleriarsimapput.
Naatsorsueqqissaartarfiup kisitsisaataasa nutaat tamanna takutippaa.
Ukiorlu kingulleq oktoberip qaammataanut sanilliunnerini, ukioq manna kisitsit annikinneruvoq. 2017-imi oktobarimi suliffissarsiortutut nalunaarsukkat 2.247-inik amerlassuseqarput, taakkunannga 356-it nunaqarfinniillutik. Tamanna ukiup siulianut oktobarip qaammataanut sanilliunnerani suliffissarsiortutut nalunaarsorneqarsimasut katillugit 228-inik ikileriaateqarfiuvoq. Illoqarfinni suliffissarsiortutut nalunaarsukkat katillugit 198-nik ikileriarput.
Sisimiunilu suliffissaaleqisut amerlassusaat qaffariaateqangaatsiarfiuvoq. Ukioq kingulleq Sisimiuni nunaqarfiinilu suliffissaaleqisut oktoberip qaammataani 169-iusimapput. Ukioq mannalu oktoberip qaammataani 222-upput, tassa suliffissaaleqisut 53-inik amerlanerulersimallutik.
Nuummi kisitsit appariaateqarfiungaatsiarpoq. Ukioq kingulleq oktoberip qaammataani suliffissaaleqisutut nalunaarsorneqarsimasut 620-iupput, ukioq mannalu kisitsit 463-iulluni, tassa suliffissaaleqisut 157-inik ikileriaateqarsimapput.
Assip ataani takussutissiami illoqarfinni nunaqarfinniluunniit qanoq ingerlasoqarnera takujuk