suliffissaaleqineq
Suliffissaaleqisut: Nutaarsiassat pitsaasut qaammatini kingullerni tallimani
Naatsorsueqqissaartarfiup kisitsisaatai naapertorlugit Kalaallit Nunaanni suliffissaaleqisut novembarimit ukioq kingullermit ikinnerusut
Inuit 3.473-t suliffissaaleqisutut nalunaarsorneqarsimapput novembarimi. Taakkunannga nunaqarfinni inuit 569-t suliffissaaleqisuupput. Ukiumi
siuliani piffissami tassani suliffissarsiortutut nalunaarsukkat 212-nik
ikileriarput.
Naatsorsueqqissaartarfiup kisitsisaataani allaqqavoq.
Suliffissaaleqisutut naatsorsorneqarsimasut pillugit kisitsisaatigineqartut ikiliartorput, oktobarimi 2014-mit oktobarimi 2013-mut suliffissaaleqisut ikileriarput, assinganik aamma septembarimi.
Suliffissaaleqisut junimi amerlanerusut ukioq kingullermit
Kingullermik ukioq kingullermit qaammammi suliffissaaleqiffiuneruvoq juunimi - Naatsorsueqqissaartarfik naapertorlugu.
Suliffissaaleqisut juunimi 2014-mi 3.473-iupput ukioq kingulleq juunimi 3.231-iusut. Tassa 242-nik suliffissaaleqisut amerleriarlutik.
Kommunenut suliffissaaleqinermik tunngaveqartumik suliffissarsiortutut nalunaarsukkat naatsorsornerat inuit qassiuneri qaammatikkaartumik saqqummersittagaavoq. Qaammammi inuk ataaseq suliffissarsiortutut naatsorsugaasarpoq, qaammatip ingerlanerani ataasiarluni arlaleriarluniluunniit nalunaarsorneqarsimanera apeqqutaatinnagu.
Suliffissarsiortutut nalunaarsukkat qaammatikkaartumik Naatsorsueqqissaartarfimmit saqqummersinneqartarput.
Illoqarfigisanni nunaqarfigisanniluunniit suliffissaaleqisut qanoq amerlatiginersut ataani takukkit