suliffissaaleqineq
Suliffissaaleqisut ikilisut
Kalaallit Nunaanni innuttaasut suliffissaaleqisut ikiliartorput. Ukiup ataatsip iluani suliffissaaleqisut 374-nik ikileriarput
2015-imi juuliminunatsinni suliffissarsiortutut nalunaarsukkat 2.986-iupput, taakkunani 367-it nunaqarfinni. Tamatuma takutippaa qaammammi ukiup siulianut sanilliullugu suliffissarsiortutut nalunaarsukkat 374-inik ikileriarnerat.
Tamanna Naatsorsueqqissaartarfiup nalunaarutigaa.
Nuummi suliffissaaleqisut malunnaatilimmik ikileriarput. Innuttaasut 667-it juulimi suliffissaaleqisuupput, ukiup siulianut sanilliullugu suliffissaaleqisut 239-nik ikileriarput.
Taamaakkaluartoq Sisimiunit suliffissaaleqisut 61-nik amerleriaateqarput. Illoqarfimmi suliffissaaleqisut 329-iupput.
Ilulissani suliffissaaleqisut 82-nik ikileriarput, suliffissaaleqisut 137-iullutik. Aamma Qaqortumi ikileriarput. Tassami inuit suliffissaaleqisut 34-nik ikileriarput, juulimilu tatillugu 161-nik suliffissaaleqisoqarluni.
Taamatuttaaq Aasianni suliffissaaleqisut ikileriarput. Suliffissaaleqisut 132-iupput.
Nalunaarsuinerit
Suliffissarsiorlutik nalunaarsukkat saqqummersinneqartarput kommuninut suliffissarsiorsimasut tunngavigalugit. Qaammammi inuk ataaseq suliffissarsiortutut naatsorsugaasarpoq, qaammatip ingerlanerani ataasiarluni arlaleriarluniluunniit nalunaarsorneqarsimanera apeqqutaatinnagu. Suliffissarsiortutut nalunaarsukkat qaammatikkaartumik saqqummersinneqartarput. Allaffissornikkut inatsisitigullu allannguineq suliffissarsiortutut nalunaarsukkat nikerarnerisa piffissap ingerlanerani mianersortumik paasineqassapput.