Suliffissaaleqisut ikiliartuinnarput
Suliffissaaleqisunik naatsorsuinermi kingullermi, siorna aggustip qaammataanut sanilliunnerani Nunatsinni suliffissaaleqisut ikinnerusut, erserpoq.
Aggustip qaammataani suliffissaaleqisutut nalunaarsorneqarsimasut 2.151.pput, taakkunani 397-it nunaqarfinninngaanneersuullutik.
Tassa ukiup siulianut sanilliunnerani suliffissaaleqisut 248-nik ikileriaateqarsimapput.
Tamanna Naatsorsueqqissaartarfiup kisitsisaataanni nutaani takuneqarsinnaavoq.
Ingammik illoqarfinni suliffissaaleqisut malunnaatilimmik ikileriaateqarsimapput. Ukioq kingulleq aggustip qaammataani illoqarfinni tamani suliffissaaleqisut 2.028-usimapput, ukioq mannalu 1.754-it suliffissaaleqisutut nalunaarsorneqarsimallutik.
Nunaqarfinnilu amerliaqqissimapput. Suliffissaaleqisutummi nalunaarsorneqarsimasut 371-niit 397-inut ikaleriarsimapput.
Suliffissarsiorlutik nalunaarsukkat saqqummersinneqartarput kommuninut suliffissarsiorsimasut tunngavigalugit. Qaammammi inuk ataaseq suliffissarsiortutut naatsorsugaasarpoq, qaammatip ingerlanerani ataasiarluni arlaleriarluniluunniit nalunaarsorneqarsimanera apeqqutaatinnagu.
Illoqarfinni nunarfinniluunniit pissutsit qanoq inneri tavellimi takuuk