Sulisartoqarneq
Suliffissaaleqisut ikiliartornerat nuannaarutissartaqanngilaq
Suliffissaaleqisutut nalunaarsorsimasut qaammatini kingullerni arfineq-pingasuni ikiliartuinnavissimapput, suliffissaaleqisunullu isumalluarnartoqanngilaq, Københavns Universitetimit nalunaarusiami suli saqqummiunneqanngitsumi allassimavoq
Ilumoortoq illua'tungertaqarpoq tusagassiorfinni allattoqaraangat ´suliffissaaleqisut ikiliartuinnarput´, imaluunniit Naalakkersuisut siulittaasuat Kim Kielsen ukiortaami oqalugiarnermini nuannaarutigalugu oqarmat ´suliffissaaleqisut ikiliartortut´ aamma ´suliniutit sunniuteqarput´.
Københavns Universitetimi Greenland Perspectivep saqqummiussassaani taamatut inerniliisoqarpoq.
Atorfiit ilanngunneqanngillat
– Sorpassuartigut innuttaasunik uukapaatitsineruvoq tusagassiorfiit pisortallu oqalukkaangata suliffissaaleqisut ikiliartuinnavissut. Tamatumunnga pissutaavoq naatsorsukkani, Kalaallit Nunaata Naatsorsueqqissaartarfianit suliarineqarsimasuni, oqaluttuarineqartartullu tunngavigisaanni, atorfiit tamarmiusut, imaluunniit suliffissaaleqisut amerlassusaasa sulisut amerlassusaannut sanilliunneqarnerat, ilanngunneqarsimanngimmata, Kuupik Kleist, siunnersuinermik ingerlatsivimmit Group Greenlandimeersoq, Issittumilu piginnaasat siammasissumik ineriartortinnissaannik suliniummi Greenland Perspectivemi, aqutsisoq oqarpoq.
Taamatullu inissisimaffimminit Naalakkersuisut siulittaasorisimasaata tikkuarpaa suliffissaaleqisut ikiliartorneranni ajornartorsiutit erloqinarnerujussuit pissutaasut:
Atorfiit amerlanerusut peeruttarput
Tassami pissusiviusut imaakkamik - paasisat pissarsiarineqarsinnaasut kingulliit naapertorlugit - atorfiit amerlanerusut atorfinnit pilersinneqartartunit peerukkiartorput, tamannalu pissutigalugu suliffissaaleqisut suliffissaqannginnamik nunamit aallartarput imaluunniit allamik ´sammisassarsisarlutik´, ilinniagaqarfimmik annertunerusumik annikinnerusumilluunniit iluaqutaasinnaasumik.
Kiisalu, minnerunngitsumik, pissusiviusut imaammata, kalaallit suliffillit 2014-imut tungaanut ikileriartorsimammata.
Oqaluttuaq tamaat AG-mi sapaatip akunnerani saqqummersumi pisiniarfimmiilereersumi atuaruk. Aviisi aamma ataani linki atorlugu pisiarisinnaavat: