Ajorsiartorpoq
Suliffissaaleqisut amerliartuinnarput
Ajorsiartorpoq - suliffissaaleqisut suli amerliartorput. 2014-imi februaarimi suliffissaaleqisut amerlassusaat Kalaallit Nunaanni Naatorsueqqissaartarfiup tamanut saqqummiuppai
2014-imi februaarimi suliffissarsiortutut nalunaartissimasut katillugit 4.420-upput, taakkunannga 775-it nunaqarfinni. Kalaallit Nunaann suliffissaaleqisut 2014-imi 4.420-uusut siorna qaammammi tassani suliffissaaleqisut 3.909-usimapput. Tassa suliffissarsiortut 511-nik amerleriarsimapput.
Naatsorsuinerup aamma takutippaa illoqarfinni nunaqarfinnilu tamani suliffissarsiortut amerliartortut.
Kalaallit Nunaanni Naatsorsueqqissaartarfiup erseqqissarpaa suliffissarsiortunik nalunaarsukkat tassaasut kommuninut suliffissarsiorlutik saaffiginnissimasut. Qaammammi inuit suliffissarsiortutut ilanngunneqartarput, inuk qaammat naallugu suliffissarsiortutut nalunaarsortissimappat imaluunniit ulloq ataasiinnarluunniit nalunaarsortissimappat. Suliffissarsiorlutik nalunaarsortittut qaammatit tamaasa kisinneqartarput.