Sulineq
Suliffissaaleqisut amerlassusaat suli appariartorpoq
Ukiuni kingullerni inuit piffissap ilaani suliffissarsiortut amerlassusaat ikileriarsimapput
Ukiuni siuliinut naleqqiullugu piffissap ilaani inuit suliffissarsiortut amerlassusaat piffissami pineqartumut sanilliullugit ukiuni kingullerni ikileriarsimapput.
Kalaallit Nunaani Naatsorsueqqissaartarfiup kisitsisaataani 2017-imi ukiup sisamararterutaata aappaani kisitsisit 2016-imilu ukiup sisamararterutaata pingajuani kisitsisit kisissimalerpaat
Piffissami pineqartumi katillugit inuit 7.962-it qaammat imaluunniit qaammatini arlalinni suliffissarsiortutut nalunaarsorneqarsimapput ukiullu siuliani piffissami pineqartumi inuit 8.320-it suliffissarsiortutut nalunaarsorneqarsimallutik.
Pineqartut akornani 51,2 procent-ii qaammat ataaseq imaluunniit qaammatit pingasut akornani suliffissarsiortutut nalunaarsoqqasimapput, pineqartulli akornani 10,7 procent-it qaammatini qulini qaammatillu aqqaneq marluk akornani suliffissarsiortutut nalunaarsoqqasimallutik.
Piffissami sivikinnerusumik arnat angutinit suliffissarsiortutut nalunaarsoqqasimanerusarput.