suliffissaaleqineq
Suliffissaaleqineq pillugu nutaarsiassaq nuannersoq
Naatsorsueqqissaartarfiup kisitsisaatai naapertorlugit Kalaallit Nunaanni suliffissaaleqisut aggustimi ukioq kingullermit ikinnerusut
Aggustimi nuna tamakkerlugu suliffissarsiortutut nalunaarsukkat 3.167-iupput, taakkunannga 358-it nunaqarfinni nalunaarsugaallutik.
Aggustimi 2014-mi nuna tamakkerlugu suliffissarsiortutut 3.167-it nalunaarsorneqarsimapput, ukiumi siuliani piffissami tassani 3.348-iullutik, suliffissarsiortutut nalunaarsukkat 181-nik ikileriarput.
Naatsorsueqqissaartarfiup kisitsisaataani allaqqavoq.
Kommuninut suliffissaaleqinermik tunngaveqartumik suliffissarsiortutut nalunaarsukkat naatsorsornerat inuit qassiuneri qaammatikkaartumik saqqummersittagaavoq. Qaammammi inuk ataaseq suliffissarsiortutut naatsorsugaasarpoq, qaammatip ingerlanerani ataasiarluni arlaleriarluniluunniit nalunaarsorneqarsimanera apeqqutaatinnagu. Suliffissarsiortutut nalunaarsukkat qaammatikkaartumik saqqummersinneqartarput.
Kisitsisit nutaat Suliffissarsiortutut nalunaarsukkanut tunngasut Naatsorsueqqissaartarfimmit qaammatit tamaasa nalunaarsorneqartarput.
Illoqarfinni nunaqarfinnilu suliffissaaleqineq qanoq annertutiginersoq tabelli ataani takuneqarsinnaavoq