suliffissaaleqineq
Suliffissaaleqineq: Decembarimi suliffissaaleqisut ikilisut
Naatsorsueqqissaartarfiup kisitsisaataasa nutaat takutippaat decembarimi suliffissaaleqisut 2013-imi taamalineranut sanilliullugu ikileriarsimasut
Suliffissaaleqisut katillugit 3.840-t suliffissaaleqisutut decembarimi nalunaarsorneqarsimapput, taakkunanna 586-it nunaqarfinni. Tamanna 2013-mi taamaalinerani nalunaarsukkanut 120-nik ikileriarneruvoq.
Naatsorsueqqissaartarfimmi kisitsisit nutaat saqqummiunneqartut tamanna takutippaat.
Taamaalilluni qaammatit arfinillit ingerlatiinnarlugit suliffissaaleqisut nalunaarsorneqartartut ikiliartornerannut nutaarsiassanik nuannersunik saqqummiussisoqarpoq, tassami novembari 2014-imi 2013-mi novembarimut sanilliullugu suliffissarsiortut ikinnerusimapput, soorlu aamma qaammatit siuliini taama inissittarsimasut.
Qaammammut ataatsimut agguaqatigiissillugu ukioq 2014 tamakkerlugu inuit 3.761-it suliffissarsiortutut nalunaarsorneqarsimasimasut, Naatsorsueqqissaartarfik ilisimatitsivoq.
Illoqarfigisanni nunaqarfigisanniluunniit suliffissaaleqisut qanoq amerlatiginersut ataani takukkit