Skip to main content

Suliffinnik pilersitsinissaq pilersaaruteqarfigineqanngilaq

Naalakkersuisut sumiiffinni aalajangersimasuni suliffinnik pilersitsinissamik pilersaaruteqanngillat. Tamanna §37 naapertorlugu apeqquteqaammut akissummi erserpoq.

Atassutip Inatsisartuni ilaasortaatitaa, Bentiaraq Ottosen, Naalakkersuisut siulittaasuannut §37 naapertorlugu apeqquteqaateqarnermini tusarusussimavaa Naalakkersuisut sumiiffinni aalajangersimasuni suliffissanik pilersitsinissamut pilersaaruteqarnersut. 

Naalakkersuisut siulittaasuata, Siumumeersup Kim Kielsenip, apeqquteqaammut akissuteqarnermini oqaatigaa apeqqut Aatsitassanut, Suliffeqarnermut, Nunamut Namminermut Nunanilu Avannarlerni suleqatigiinnermut Naalakkersuisumut, Nunatta Qitornaaneersumut Vittus Qujaukitsumut, akissuteqarfigitissimagini.

Vittus Qujaukitsup Bentiaraq Ottosenimut akissuteqarnermini oqaluttuaraa Naalakkersuisut nalinginnaasumik paasinninnerat malillugu suliffeqarnermut tunngatillugu suliffeqarnermi peqataasut, ilaatigut suliffinnik pilersitsinermi, sapinngisamik namminneq aaqqiisassasut. 

- Taamaammat Naalakkersuisut sumiiffinni aalajangersimasuni suliffinnik pilersitsinissamik pilersaaruteqanngillat, Vittus Qujaukitsoq akissuteqarpoq.

Aamma atuaruk: §37-mut akissut: Suliffeqarfinnik nussuinissaq pilersaarutaanngilaq

Inuit nuunnissaat innersuussutigaa

Bentiaraq Ottosenip aamma ilanngullugu tusarusussimavaa suliffissanik orniginarsaalluni pilersaarusiorneq qanoq ingerlanersoq?

Vittus Qujaukitsullu uani nassuiaatigaa suliffeqarnermut tunngatillugu Naalakkersuisut killissaliussanik aalajangiisartut, matumani piginnaanngorsaaqqinnissamut ilinniaqqinnissamullu suliniutit sulisinnaasunik pilerinarsaaqataasinnaasut, tamannalu aqqutigalugu suliffiit pilerinarnerulersinneqarlutik.

- Tamatuma saniatigut innuttaasut sulinermut atatillugu ataavartumik imaluunniit ukiup ilaani suliaasartut pissutigalugit allamut nuuppata nuttarnermut tapiissutinik qinnuteqarsinnaapput, Vittus Qujaukitsoq akissuteqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER