aatsitassarsiorneq
Suliffeqarfik kukkunersiuinermik suliaqartartoq London Mining aqulerpaa
Aatsitassarsioqatigiiffiup London Miningip aningaasaqarnikkut ajornartorsiornera pissutaalluni PricewaterhouseCoopers-imit aqunneqalerpoq
Aatsitassarsioqatigiiffik London Mining Nuup Kangerluani Isuani saviminermik piiaanissamut 2013-mi isumaqatigiissuteqartoq annertuumik aningaasatigut ajornartorsiornera Sermitsiaq.AG-mi allaaserineqartareerpoq.
Kukkunersuinermik suliaqartut PricewaterhouseCoopers aatsitassarsioqatigiiffik London Mining aquttussanngorpaa, London Miningimi pisortaaneq Graeme Hossie tusagassiutinut nalunaarpoq.
Isukasiani piiaanissaq aallartissappat 13 milliardinik aningaasaliisoqarnissaa pisariaqartinneqartareerpoq, taakkulu saviminissarsiorfimmut atorneqassapput. Naalakkersuisullu atsioqatigiittoqareerneraniit aningaasaliisussarsiulernissaq aallartinneqarluni.
Tuluit tusagassiorfiisa qaammammi uani allaaseraat suliffeqarfik indiameersoq JSW London Mining pisiarerusukkaa. Tamanna JSW-imit ilumuunnginnerarneqartareerpoq, kisiannili suliffeqarfimmik pisinissamik eqqarsaateqarlutik oqaatigalugu, Politiken allappoq.