Inuussutissarsiuteqarneq
Suliffeqarfiit Tysklandimeersut Nunatsinnukalersut
Suliffeqarfiit Tysklandimeersut assigiinngitsut Kalaallit Nunaannut suleqatissarsiorialerput
Suliffeqarfiit assigiinngitsut Tysklandimeersut aggustip 25-anit 29-at ilanngullugu nunatsinni niueqatissanik ujarlerlutik Nunatsinniissapput.
Sulisitsisut Kattuffiat GA nalunaarpoq.
Ataatsimiinnerit B2B-it ingerlanneqassapput (business-to-business)
Nuummi Hotel Hans Egedemi suliffeqarfiit Tysklandimeersut naggataarutaasumik aggustip 29-ani ulloqartitsissapput, tassani niueqatigiit ataatsimoorrassallutik. Tyskit suliffeqarfiutaat imminnut ilisaritissapput, tassanngaanniillu B2B-nik ataatsimiittoqassalluni.
Aatsitassarsiorfinni piiaaffinnik akuersissutillit Nunatsinni aatsitassarsiornerup killiffia paasiniassavaat.
Suliffeqarfiit Sulisitsisut Kattuffiannut ilaasortaasut peqataasinnaapput, tassanilu ataatsimeeqatigineqartussat isumaqateqarfigineqareersinnaassallutik.