suliffissaaleqineq
Suliffeqanngitsut suli ikiliartorput - kisianni nunaqarfinni amerliartorput
Januaarimi suliffissarsiortutut nalunaarsukkat 3.915-inik amerlassuseqarput, taakkunannga 734-t nunaqarfinniillutik.
Nunatsinni suliffeqanngitsut suli ikiliartorput.
2017-imi januaarimi suliffissarsiortutut nalunaarsukkat 3.915-inik amerlassuseqarput, taakkunannga 734-t nunaqarfinniillutik. 2016-imi januaarimut sanilliullugu suliffissarsiorlutik nalunaarsimasut 116-inik ikinnerupput. Illoqarfinni suliffissarsiortutut nalunaarsimasut 191-inik ikileriarput.
Naatsorsueqqissaartarfimmit kisitsisit nutaat tamanna takutippaat.
Atuaruk: Suliffissaaleqisut suli ikilioartorput
Nunaqarfinni amerleriartut
Nunatsinni naak suliffissarsiortut ikileriaraluartut nunaqarfinni amerleriarput.
Siorna januaarimi 659-it suliffissarsiortuupput. Ukioq manna 734-inut amerleriarput.
Suliffissarsiorlutik nalunaarsukkat saqqummersinneqartarput kommuninut suliffissarsiorsimasut tunngavigalugit. Qaammammi inuk ataaseq suliffissarsiortutut naatsorsugaasarpoq, qaammatip ingerlanerani ataasiarluni arlaleriarluniluunniit nalunaarsorneqarsimanera apeqqutaatinnagu. Suliffissarsiortutut nalunaarsukkat qaammatikkaartumik saqqummersinneqartarput.
Atuaruk: Suliffissaaleqisut siorna ikileriaateqartut
Illit illoqarfinni nunaqarfinniluunniit pissutsit qanoq innersut assip ataani kisitsisit takukkit