sullivinnik nakkutilliineq

Suliassaqarfiup akisussaaffigilerneqarnera ukiuni qulini 83 millioneqartoq

Vittus Qujaukitsoq naapertorlugu Kalaallit Nunaanni suliffeqarfinnik nakkutilliinerup akisussaaffigilerneratassaassaaq 'namminiilivinnissamut alloriaqqinneq'. – Siumut aqqutissaq naalivoq, oqarpoq

Suliassaqarfik aappaagu akisussaaffigineqalissaaq - sullivinnik nakkutilliisoqarfik

Siunissami qanittumi sullivinni avatangiinut suliassaqarfik kalaalit oqartussaasuinit isumagineqalissaaq.

Naalakkersuisut suliaq tusarniaassutigineqaqqammersoq pillugu atortussaat naapertorlugit akisussaaffigineqalernera aappaagu januaarimiit pissaaq.

Taamaalilluni suliap ingerlanera kigaallassimagaluartoq ingerlaqqilerpoq; tassalu suliassaqarfiit sinnerussut 32-it qallunaat naalagaaffianit tigunissaat.

Naalakkersuisut naapertorlugit suliassaqarfiup akisussaaffigileqalernissaa namminiilivinnissamik kissaateqarnerup nutarterneranut takussutissaassaaq ersarissoq.

Atuaruk: Sullivinnik Nakkutilliisoqarfik akisussaaffigilerniaraat

Namminiersulivinnissamut alloriarneq
Tusarniaanermi pappilissani Inuussutissarsiornermut Nunanullu allanut tunngasunut Naalakkersuisoq Vittus Qujaukitsoq (Siumut) 'akisussaaffigilernerani pitsaaqqutit' pillugit oqarpoq:

- Siullertut taaneqarsinnaavoq namminiilivinnissamut alloriaqqittoqartoq. Namminiivilinnissatsinnik kissaateqartunut akisussaaffigilernera ilorraap tungaanut alloriarneruvoq. Taamaalilluni sulissaqarfiit tamarmik tiguneqarnissaannut aqqut naannerulerpoq

Atuaruk: Sullivinnut nakkutilliisoqarfik ukioq manna ulapaalaavissimapput

80 millionit koruunit sinnerlugit
Tusarniaanermi atortussani aningaasartuutit allattorneqarsimapput:

- Akisussaaffigilerneranut atatillugu ukiumi siullermi aningaasartuutit 8,6 million koruuniussatut naatsorsorneqarsimavoq, nuunnermut ininillu nutaanik piorsaanermi ataasiartumik aningaasartuuteqarnissaq peqqutigalugu. Kingorna ukiumut aningaasartuutit 8,3 million koruuniunissaat naatsorsuutigineqarpoq, allassimavoq.

Ukiuni tulliuttuni qulini nakkutilliinerup akisussaaffigineqalernera nunatta karsianut 80 million koruuninit amerlanerussapput. Maluginiaqquneqarporli siunissami aatsitassarsiortunik nakkutilliinermi aningaasartuuteqarnerunissaq suliffeqarfinnut akitsuusiinikkut aningaasalerneqarsinnaasoq, tassalu nammineq akiliinertut ittumik.

Suliassaqarfiup akisussaaffigilernissaa naammassinnginnerani Inatsisartuni upernaakkut ataatsimiinnermi amerlanerussuteqartut tapersiinissaat pisariaqarpoq. Kisianni naalakkersuisoqatigiit 24-nik tunuliaquteqaramik tamanna ajornartorsiutaasussaanngitsutut isikkoqarpoq.

Atuaruk: Oqartussaaffiit nuunneqarnissaannut pilersaarut piariilersoq

Allaaserisaq tamaat AG-mi sapaatip-akunnerani saqqummertumi atuaruk. Aviisi uani pisiariuk:

Powered by Labrador CMS