allagaatinik takunnissinnaatitaaneq

Suliassaq ombudsmandimut apuullugu

Naalakkersuisut GME-ip avatangiisinut sunniutaasinnaasunik nalilersuinerit pillugit nalunaarusiaataa (VVM) allagaatitut takuneqarsinnaanerat Naalakkersuisut itigartitsissutigissappassuk AG ombudsmandimut suliakkiisariaqartoq Transparcency-mi sissuertut oqarput. Suliassarmi siunissami taamatut ittunik aalajangiisarnissanut ima tunngaviutigaaq allaat inatsisitigut inissisimanera qulaajarneqartariaqarluni

Pisariaqartinneqassappat Greenland Minerals and Energy-mi (GME) avatangiisinik misissuineq pillugu suliassaq allagaatinik takunnissinnaatitaanermut tunngasoq, VVM-imik taaneqartartoq, ombudsmandemit aalajangiiffigineqassaaq.

AG taama allaaserinnippoq.

Taamatut aningaasanik akilersilluni peqquserlunnissanut ammanissarlu pillugu sissuertut Transparency-it Kalaallit Nunaanni immikkoortortaqarfianit oqaatigineqarpoq, tassa sapaatit akunnerata matuma siuliani AG-mi saqqummersumi Namminersorlutik Oqartussat allakkianik saqqummiussinissaq pillugu aalajangeqqaarnerat aallanngortinniarlugu GME-mi sakkussatit tamaasa atorlugiut allanngortinniarsarigaa pillugu allaaserineqarpoq.

Aamma atuaruk: Allagaatinik takunninniarneq unitsinniarlugu GME-p sakkussat tamaasa atorpai

Qaammatini tallimangajanni suliassamik suliarinnittoqareersoq aamma aatsitassarsioqatigiiffimmit kamappaluttunik ernumarpaluttunillu imalinnik emailinik nassiussuisaqattaarnerup kingorna Aatsitassarsiornermut Avatangiisinik aqutsisoqarfimmi isummat allanngortinneqarput allagaatinillu takunnissinnaatitaaneq itigartitsissutigalugu.

Aalajangerneq AG-mit naammagittaalliuutigineqarpoq naammagittaalliuullu piffissami aggersumi Naalakkersuisunit suliarineqassaaq. Tassani itigartitsisoqaqqissagaluarpat AG ombudsmandemut saaffiginnittariaqartoq, Transparencymi siulittaasoq, Anita Hoffer, oqarpoq.

Transparencyp innersuussineranut tunuliaqutaa AG-mi atuaru:

Powered by Labrador CMS