Sulisartut siulittaasuat
Suliaq naammassineqanngilaq
Sulinermik inuussutissarsiuteqartut kattuffiata siulittaasua Jess G. Berthelsen ukiuni 25-ni SIK-mi siulittaasooreerluni uninnissaminik pileraaruteqanngilaq.
Suliffissaaleqisunut isumaginninnermi ikiorsiissutinut malittarisassat amigaateqarput. Taamatuttaarlu soraarnerussutisiaqalernissamut malittarisassat.
Sulinermik inuussutissarsiutillit kattuffiata SIK-p siulittaasuata Jess G. Berthelsenip pingaartitaasa ilaat marlussuit, annertuumik pitsanngorsaaavigineqartariaqartut isumaqarfigisai. Ilami sulisartut kattuffianni suliassarpassuaqarpoq naammassiniagassanik. Inuiaqatigiinni pisuut piitsullu nikingassutaat annertusigaluttuinnarpoq. Aap, immaqa aatsaat taama annertutigaluni.
– Nikingassutip annikillisarnissaanut periarfissat marluupput. Sulisitsisut peqatigiiffiat (siusinnerusukkut GA) namminersorlutillu oqartussat qaffasinnerusumik akissarsiaqartitsisinnaapput, aningaasarsiallu annertussusaat naapertorlugu akileraartitsisoqartalersinnaavoq, Kalaallit Nunaanni pisuut ima amerlatiginngikkaluartut sulisartut akissarsiaasa qaffariaataat kisimiillutik aningaasalersinnaanngikkaluaraat, Jess G. Berthelsen oqarpoq, taannalu AG-p sunik tamanik apersorsimavaa, namminersulivinnissamiit SIK-mi siulittaasuunerminit ukiunik 25-inngortorsiorneranut atatillugu nammineq siunissaanik sulisartullu ulluannik - ullumi maajip aallaqqaataani.
Jess G. Berthelsenip isumai AG-mi sapaatip akunnerani saqqummersumi atuakkit, taannalu pisiniarfimmi pisiarisinnaavat imaluunniit ataani e-avisitut.