Arctic Winter Games
Suli aallartitsinnatik kinguaqqareersut
Ujakkaarnermi nunanut allanut unammisartunut sungiusaasut Arctic Winter Gamesimi peqataanissamut piumasaqaatit sukaterpaat. Maannammut ujakkaartartup ataasiinnaap nunatsinni ukiuunerani timersuutinnaat pingaarnersaanut piumasaqaatit naammassisimavai
Arctic Winter Gamesimi ujakkaar tinneqartussat immaqa arfineq-pingasuunavianngillat peqataasussatut toqqarneqartussat arfineq-pingasuunissaat piinnarlugu, Kalaallillu Nunaata ukiuunerani unammiaarnernik ingerlatsisuunis saapiinnarlugu.
Taamaallaat ujakkaartartut piumasaqaatinik sukaterneqarsimasunik naammassinnittut peqataasinnaapput. Qajassuussisoqarunnaarsimavoq.
Taama ujakkaarnermi nunanut allanut unammisartunut sungiusaasut Øystein Slettemark aamma Andrie Sørensen peqataanissamut piumasaqaatinik sukaterisimasut oqarput.
Assit takukkit: AWG-p qullissani tiguaa
Angusarlunnerulerneq
Tamanna pivoq iluatsinngitsumik ingerlasoqarnera ukiuni kingullerni nunatsinniit ujakkaartartut ingerlaffigilersimasaat allanngortinniarlugu.
Kingullermik Arctic Winter Gamesit ingerlanneqarmata ataasinnaarmik ujaminnattoqarpoq tassalu stafettimi bronzennattoqarluni.
- Isumaqarpugut piumasaqaatit sukaternerisigut ujakkaartartut sungiusarnerminni imminnut piumasaqarfiginerulissasut. Ajugaanissamik eqqarsartaaseqarneq piorsarusupparput. Sungiusarner nissamut kajuminnarnerulersikku suppavut timersortartut peqataa susuttut timimikkut piginnaasa minnik piorsaasinnaaqqullugit, Øystein Slettemark oqaluttuarpoq.
Atuaruk: Kajumissutsiminnik sulisunut pikkorissartitsinermik neqeroortut
Unammilleqatigiinneq sakkortunerusoq
Piumasaqaatit maajimi saqqummiunneqarput. Tassani paasine qarpoq taamaallaat ujakkaartartup ataatsip Arctic Winter Gamesimi peqataanissaminut piumasaqaatit naammassigai.
- Ukioqatigiiaani pikkorinnerpaajunissaq naammanngilaq. Nunat tamat akornanni unammiuaarnerni soorlu Arctic Winter Gamesimi Kalaallit Nunaannit aallartitaaniaraani pikkorinnerusariaqarpoq, Øystein Slettemark nammineq ujakkaarluni nunarsuarmi pissartanngorniunnermi OL-imilu si sorarluni ooqattaasarnermi peqataasimasoq oqarpoq.
Siusinnerusukkut kalaallit Arctic Winter Gamesimi peqataagaangamik ujakkaarnermi amerlasuunik ujaminnattarsimapput. Unamminerli sakkortunerulersimavoq samit russillu peqataasalernerisa kingorna.
Video takuuk: Nuuk AWG 2016-imut piareersaleruttorpoq
AG-mi uani sapaatip-akunnerani saqqummertumi allaaserisaq atuaruk, taanna ullumi pisiniarfinniilerpoq. Digitaliusumik uani atuarsinnaavat: