Skip to main content

Suleqatigiissitsisut: Kikkut tamarmik pilliuteqartariaqarput

Partii Suleqatigiissitsisut pilersinneqaqqammertumi Michael Rosing aamma Tillie Martinussen siuttoralugit partiip anguniangai "kikkut tamarmik sulissasut, iluamik iluaqutissarsissagutta".

Partiimi ippassaq sapaammi pilersinneqartumi aningaasarsiornikkut  nammineq napatilernissaq tunngavigalugit kiffaanngissuseq, ilisimasat, patajaatsumik inuutissarsiorneq aamma nunarsuarmioqataaneq anguniarneqassasoq, partiip anguniangaani allassimavoq.

Qeqqaniit talerpimmut

Politikkikkut amerlanerpaamik isumaqatigiinnissaq taamatullu tamat oqartussaaqataanerannik ataqqinninneq partiimit pingaartinneqartoq, allassimavoq.

Partii partiinut talerperlernut qaninnerusoq, partiip anguniagaani allassimavoq:

-  Naapertuilluarneruvoq tunniussaqarnerpaat aamma iluaqutissarsinerpaasariaqartut. Sulineq imminut akilersinnaasariaqarpoq tunniussaqarlunilu, allassimasoqarpoq, partiilu isumaginninnikkut akisussaaffeqarnissamik pingaartitsivoq, nangillunilu:

- Kisianni kikkut tamarmik nalilimmik inuuneqarnissaminnut periarfissinneqartariaqarput. Imminut pilersorsinnaanngikkaanni periarfissaajuartariaqassaaq nalilimmik inuuneqarsinnaanissaq naapertuilluarneq  íluarusunnerlu misigisimallugit. Kikkut tamarmik tunngaviusumik taamatut atugaqarsinnaasariaqarput, Suleqatigiissitsisut anguniangaani allassimavoq.

Namminersortunngorsaaneq

Suleqatigiissitsissut kissaatigaat, pisortat suliffeqarfiutaannik namminersortunngaasoqassasoq, ilinniartitaanermut, peqqinnermut pilersaarusiorluakkamillu najugaqariaaseq attaveqaqatigiinnerlu aningaasaliiffigineqassasut.

Inuussutissarsiutinut aningaasaqarnikkullu ineriartortinneqarnerini suliffeqarfiit minnerpaamik politikkikkut akuliuffigineqartassasut, partii isumaqarpoq.

Naalagaaffeqatigiinneq pillugu

Naalagaaffeqatigiinneq pillugu partii pitsaasumik siunertaqarpoq

- Kissaatigaarput Kalaallit Nunaata nunarsuup sinnerani politikkikkut aalajaatsutut kiisalu tatiginartunik politikkikkut aqutsisoqartutut isigineqarnissaa.  Naalagaaffeqatigiinnerup kusanartumik tunngavissippaa nunarsuup sinnerani nipitta tusaaneqarnissaa. Naalagaaffeqatigiinni suleqatigiinnerup aamma nunanik avannarlernik suleqateqarnerup periarfissaqalersippaa ilisimasanik paarlaasseqatigiissinnaaneq taamaasillunilu avammut tunisassiornermi iluaqutissanik pilersitsilluni. Aamma sillimanissaq eqqarsaatigalugu suleqatigiinneq taanna ammaattariaqarparput, partiip anguniangaani allassimavoq.

Partii Suleqatigiissitsissutip kissaatigaa, pisortanut aningaasartuutit annikillisarneqassasut aammalu akileraartarnermut atugarissaarnissamulli ingerlatseriaatsip aaqqissuuteqqinnissaat pisariaqartut.

Sinnassaat

Bloktilskudip kalaallit politikkikkut ingerlatsinerat allaffissornerlu akilersornikuuvai tungiuinermillu pilersitsinikuulluni tunngavigalugu piumasaqaatitaqanngitsumik ikiorsiisarneq ilaatigut sinnassaatitut isigineqarsinnaasumik ineriartornermullu kingaallassaatitut, allassimavoq nangillunilu:

- Nunatta aningaasarsiornikkut namminiilivinnissaanut innuttaasut amerlanerpaat aningaasarsiornikkut imminnut napatissinnaalernissaat aallarniutaassaaq. Tamatuma pisariaqartippaa akileraartarnerup allanngortinneqarnissaa inunnut ataasiakkaanut sulineq imminut akilersinnaanngortillugu imaluunniit sulinerunissaq imminut akilersinnaanngortillugu.

Partiip anguniangai partiip nittartagaani atuarneqarsinnaapput

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER