Skip to main content

Suleqatigiissitsisut: Atsiornerit tunniunneqarput

Tillie Martinussenip aamma Michael Rosingip atsiornerit 1100-t ataasinngornermi ulloqeqqanut tunniuppaat, Kommuneqarfik Sermersuumi akuerineqartussanngorlugit, taamaalilluni partii pilersinneqaqqammertoq Suleqatigiissitsisut, qinigassanngortittut allattorsimaffianniilerniassammata.

Ullut kingulliit Michael Rosingimut aamma Tillie Martinussenimut ulapaarfiupput, atsiornernik katersineq ulapputigaat, partii Suleqatigiissitsisut ukiormanna apriilip 24-anni pisussatut nalunaarutigineqartumut Inatsisartunut qinersinissamut akuerineqarniassammat.

Naammattut

Atsiornerit 942-t piumasaqaataasut arfininngormat katersorneqarsimalereersut taakku marluk isumaqarput, kisianni taakku politikerit marluk qulakkeerinninniarlutik sapaammi aamma katerseqqipput, allattorsimaffimmi arlaleriarlutik allassimasoqassagaluarpat naammanniassammata.

Atsiornernik katersinerup saniatigut aamma ippassaq partii pilersippaat, taamaalilluni piumasarineqartut tamarmik inissillutik. 

- Partiimi siulittaasuuvunga, Tillie siulittaasup tullersorteraa, Michael Rosing ilisimatitsivoq. Tillie Martinussen Nuummi Demokraatini siulittaasuusimagaluarpoq, kisianni upernaaq partiimit tunuarpoq.

Allat kingusinnerusukkut saqqummiunneqassapput

Michael Rosing kingullermik Inatsisartuni attaviitsuuvoq, Demokraatinit tunuarnikuunini pissutigalugu, inuit tallimat arfinillilluunniit taakku siulittaasut marluk saniatigut partii tunuliaqutigalugu qineqqusaarniartut, taanna ilisimatitsivoq.

- Kikkut pineqarnersut oqaatigissallugu siusippallaarpoq. Kisianni kingusinnerusukkut kikkuuneri ilisimatitsissutigissavarput, sulilu amerlanerusut qinigassanngortinnissaat naatsorsuutigilluinnarpara, Suleqatigiissitsisut siulittaasuat ilisimatitsivoq.

Partiip anguniagai saqqummiunneqartut

Partiip nutaap anguniakkani saqqummiuteqqammerpai, taakku uani partiip nittartagaani: www.sulesam.gl-imi atuarneqarsinnaapput.

- Partiip anguniagaata saniatigut aamma qineqqusaarnermi sammisat oqallisigitikkusutagut saqqummiutissavagut, Michael Rosing nassuiaavoq.

Qinersisartut nittartakkami sulianut maanna pisunut aamma sammisanut aalajangersimasunut, politikkikkut oqallinnermi saqqummertut isummersuutigineqarnerit takuneqarsinnaalissasut, taanna ilisimatitsivoq.

- Sammisamik saqqummertoqartillugu, sammisaq partiimi ilutsinni oqaluuserisinnarlugu isummersuutitsinnik allattassaagut, taakkulu nittartakkami saqqummersittassavagut, qinersisartut sammisat ataasiakkaat qanoq isumaqarfiginerigut malinnaaffigisinnaaniassammatigit, Michael Rosing oqaluttuarpoq.

Atsiornerit misissorneqarput

Atsiornerit tunniunneqartut oqartussat piumasaqaataannik naammassinninnersut, Suleqatigiissitsisuni siuttut marluk soorunami pissangassutigaat.

- Taasinerit piaarnerpaamik tuaviorluta misissussavagut, ullullu marluinnaat misissuinissarput naatsorsuutigaarput, Simigaq Broberg, Kommuneqarfik Sermersuumi kiffartuussinermut allattoqarfimmi pisortaq, Sermitsiaq.AG-mut ilisimatitsivoq.

Kommunip atsiornerit tamaasa ajunnginnersut misissoreerunigit, Namminersorlutik Oqartussanut tunniunneqassapput. 

- Namminersorlutik Oqartussani piffissaq qanoq sivisutigisoq atorneqassanersoq naluara, Simigaq Broberg oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER