ataatsimeeqateqarnissaq
Suleqatigiissitaq: Kalaallit Danmarkimi ilageeqarnerat ima nukittorsarneqassaaq
Danmarkimi kalaallit ilageeqarnerata nukittorsarneqarnissaa suleqatigiissitap anguniarpaa. Danskit ilageeqarnermut ministeriat ataatsimeeqatigineqassaaq
Oline Berthelsen kalaallinut Danmarkimi palasitut Aarhus Stiftimi Poul Henning Bartholinimit sapaatiummat ivertinneqarnerani aggustip 24-ani kalaallit Danmarkimi ilageeqarnerata nukittorsarneqarnissaa kissaatigineqarpoq.
- Aarhusi Stiftimi ataatsimik palaseqarnissatsinnut tapiiffigineqarpugut. Jens-Kristian Kleist Danmarkimi palasiuvoq Namminersorlutik Oqartussanit taperneqarnikkut. Nammineq piumassutsiminik Danmarkimiinngilaq, taamaattumik palasitut atorneqarsinnaasarnani. Napparsimasunut, parnaarussivinniittunut ilinniagaqartunullu palasiusarpoq. Palasitut atussagaangatsigu amerlanertigut itigartinneqartarpugut, taamaattumik ilisisoqartillugu, kuisititsisoqartillugu apersortittoqartillugulu atorneqarsinnaaneq ajorluni, suleqatigiit sinnerlugit Henriette Berthelsen oqarpoq.
- Danskit ilageeqarnermut ministeriat Marianne Jelved, Radikale, septembarip 29-ani ataatsimeeqatigineqarpat ilaatigut uku piumasaqaatigineqassapput:
- Danmarkimi kalaallinik marlunnik - pingasunik palaseqarnissaq. Namminersorlutik Oqartussanit palaserineqartoq tapiissuteqarfigineqarsinnaanissaa periarfissaavoq
- Danmarkimi ilagiit sinniisoqalernissaat
- Københavnimi aalajangersimasumik oqaluffeqarnissaq - immaqa avannaamioqatigiit oqaluffigisinnaasaat