Skip to main content

Suleqatigiilertussat ukuusinnapput

Siumut IA-lu suleqatigiissanngippata ikinnerpaamik partiit pingasut suleqatigineqartariaqarput

Siumup siulittaasuata Kim Kielsenip isumaqatiginninniarnermi partiit tamaasa aggersarnissaat oqaatigisimavaa. Naalakkersuisoqatigiilernissamullu isumaqatiginninniarnerit ajornakusoorsinnaapput.

Siumummi kinguariaateqangaatsiarnermigut Inuit Ataqatigiinnik suleqatigeqqissanngikkunikkit ikinnerpaamik partiit marluk suleqatigisariaqarpaat. Taakku suleqatigiilissangaluaruni17-iullutik amerlanerussuteqassapput. Partiit taakku marluk Inatsisartuusimasuni katillugit 22-usimangaluarput.

Kim Kielsenip Dmokraatit suleqatigilissangaluarunigit 15-iniinnarnik ilaasortaatitaqassapput. Taamaammat assersuutigalugu Atassut suleqatigineqartariaqassaaq. Taakku suleqatigiissappata 17-inik ilaasortaatitaqassapput.

Ilaasortat agguarnerat

  • Siumut:                  9
  • IA:                           8
  • Demokraterne:       6
  • Partii Naleraq:       4
  • Atassut:                   2
  • Nunatta Qitornai:   1
  • Suleqatigiissitsisut: 1

Suleqatigiissitsisulllu suleqataatillugit 16-inik ilaasortaatitaqarlutik amerlanerussuteqalaalissapput. Apeqqutaavorli Siumut, partiimik nalaagaaffeqatigiinnermik attatiinnarneqarnissaanik anguniangaqartumik suleqatiginnikkusunnersoq.

Simut Demokraatit aamma Partii Naleraq imaluunniit Nunatta Qitornai suleqatigalugit aamma amerlanerussuteqarsinnaapput, Demokraatilli partiinut taakkununnga marlunnut ungasippallaarput.

Siumut, Partii Naleraq aamma Nunatta Qitornai namminiilivinnissamik anguniangaqartuusut taamaallaat 14-inik ilaasortaatitaqarsinnaapput, amerlanerussuteqalissagunillu Atassut suleqatigisariaqarpaat.

Kim Kielsenip isumaqatiginninniarnini iiluatsinngitsuussangaluarpagit, periarfissaasinnaasut Sara Olsvigimut suli ajornarnerussapput. Inuit Ataqatigiimmi ataatsimik ilaasortaatikinnerunerat pissutigalugu Demokraatinik Atassummillu suleqateqarnissaat taamaallat periarfissaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER