Brexit
Suka: Brexit assut kinguneqarsinnaavoq
- Aningaasaqarnitsinnut kinguneqartussaasoq ersarippoq. Suka K. Frederiksen Aaja Chemnitz Larsenimut akissuteqarnermini naqissusiivoq, taanna Tuluit Nunaata EU-mit aninera pillugu aamma kingunissaanik arlalinnik apeqquteqarsimavoq.
Brexitip kinguneranik Kalaallit Nunaannut qanoq akeqartitsissanersoq oqaatigissallugu maanna siusippallaarpoq.
Niueqatigiinnermut isumaqatigiissutit
Tuluit Nunaat immikkut ittumik Kalaallit Nunaannik niueqatigiinnissamik isumaqatigiissuteqanngillat, Tuluit Nunaata EU-mi ilaasortaanermigut immikkut ittumik isumaqatigiissusiorsinnaannginnera pissutigalugu. Ilaasortaatilluni tamanna EU-mi ataatsimiititaliarsuarmut pisussaaffigitinneqarpoq.
Tuluit Nunaat aninissamut isumaqatiginninniarnerit ingerlanerini EU-mut suli ilaasortaavoq. Aaja Chemnitz Larsenimut akissummi Brexitimut isumaqatiginninniarnerit oktobarimi 2018-imi naammassinissaat naatsorsuutigineqartoq atuarneqarsinnaavoq, nunallu aninissaa marsip 29-anni 2019-imi pissangatinneqarpoq.
EU-p Tuluit Nunaatalu aalisarnermut tunngatillugu isumaqatiginninniarnerat suli aallartinngilaq.
Naalakkersuisut danskit naalakkersuisuinik ingerlaavartumik oqaloqateqartarput Tuluit Nunaata EU-mut ilaasortaajunnaamera Kalaallit Nunaannut qanoq kinguneqassanersoq pillugu, Suka K. Frederiksen akissummini allappoq.
Kalaallit Nunaat Brexit-gruppimut ilaasoq
Namminiilivinnermut, Nunanut Allanut Nunalerinermullu Naalakkersuisoqarfik Nunanut Allanut Ministeriaqarfiata Brexit-gruppeanut Nunanut Allanut Ministeriaqarfimmit aqunneqartumut ilaasortaatitaqartoq, taanna ilisimatitsivoq. Tamakku saniatigut Kalaallit Nunaata Sinniisoqarfia Bruxellesimiittoq danskit aallartitaannik danskit EU-mi sinniisoqarfianneersunik Brexit pillugu isumaqatigiinniamerit ingerlanerat pillugu ingerlaavartumik oqaloqateqartarpoq.
Naalakkersuisut sinnerlugit Kalaallit Nunaata Sinniisoqarfia Bruxellesimiittoq taamatuttaaq siunnersuuteqarpoq danskit EU-mi sinniisoqarfiat suleqatigalugu sulissutigineqassasoq taamalu Kalaallit Nunaata Brexit pillugu isumaqatigiinniamermut soqutiginninnera puigomeqassanngitsoq.
Aalisarnermut isumaqatigiissut nutaaq 2021-mit
Kalaallit Nunaata aamma EU-p aalisarnermut isumaqatigiissutaat 2020-mi atorunnaassaaq, 2019-ip aallartinnerani tapiliussamik isumaqatiginninniarnerit aallartinneqassapput, taakku 2021-mit atuutilissapput.